بوگون "چهارشنبه" ملی پیوند حزبی طرفدارلریدن بیرقطاری و افغانستان اسماعیلیهلری مردمی کینگشی اعضالری کابلده بیر ییغین آرقهلی، ملی بیرلیک حکومتینینگ دوام تاپیشینی قانونگه قرشی بیلیب و جمهورلیک ریاستی سیلاوینینگ تعیین ایتیلگن زمانده یولگه قوییلیشی اوستیگه تاکید قیلگنلر.
ملی پیوند حزبینینگ رهبری و افغانستان اسماعیلیهلری مردمی کینگشی باشلیغی سیدمنصور نادری تامانیدن بو ییغینده یوباریلگن پیامده ایتیلیشیچه، جمهور رییس محمد اشرف غنی نینگ 5 ییللیک ایش دوریده افغانستان قطار قیینچیلیکلر بیلن روپهره بولگن.
جناب نادری نینگ پیامیگه کوره، جمهورلیک ریاستی نینگ ایشی 1398- ییل 1- جوزا ده یکونلنگن دیر.
اوشبو ییغینده بیلیم یورت اوقیتووچیسی میلاد یوسف نینگ ایتیشیچه، ملی بیرلیک حکومتی بیر کیلیشوو اساسیگه تشکیل تاپگن و بو حکومت نینگ دوام تاپیشی و یا-ده باشقه بیر حل یول تاپیش اوچون جمهورلیک ریاستی نامزدلری بیلن کیلیشوو صورت تاپیشی کیرهک.
بیراق، جمهورلیک ریاستی سوزلاوچیسینینگ اورین باسری شاهحسین مرتضوی نینگ بو توغریده ایتیشیچه، جمهورلیک ریاستی اوز ایشیگه دوام بیرهدی.
افغانستان اساسی قانونی نینگ 61- مادهسیگه کوره، جمهور رییس نینگ ایش زمانی 1398- ییل 1 جوزا ده یکونلنگن دیر.
