مدنیت و معلومات وزیرلیگی مسؤوللری نینگ ایتیشیچه، غور ولایتی نینگ جام مناری سونگی سوو تاشقینلریده کوپ زیان کورمهگن.
بوگون «سهشنبه» کابلده خبری بیر ییغین اوتکزگن مدنیت و معلومات وزیرلیگی اورین باسری محمدرسول باوری نینگ ایتیشیچه، جام مناری اوچون سوو تاشقینلری نتیجهسیده بولگن تهدید حاضر برطرف ایتیلگن.
جناب باوری گه کوره، اوشبو موضوع تیکشیریلیشی اوچون غور ولایتی گه بارگن هیأت، منارگه ییتیشگن برچه زیانلرنی تیکشیریب و قیتهقوریلیشی اوچون حرکت قیلهدی.
مدنیت و معلومات وزیرلیگی اورین باسری نینگ ایتیشیچه، اوشبو وزیرلیک و یونسکو قوشمه هیأتی نینگ تیکشیرووی گه کوره، منار اینگیلیشلری سابق ییللردن بولیب و کوپیمهگن.
غور ولایتی نینگ جام مناری قیتهقوریلیشی توغریسیده قرار آلینگن بیرچاغده، منار جایلشگن ساحهده امنیتی کوچلر و طالبان گروهی آرهسیده آتیشمه دوام ایتماقده و کیمسه اوچون باریب و کیلیش گه رخصت بیریلمهیدی.
