ملی خوفسیزلیک کینگشی سوزلاوچیسی طارق آرین نینگ تویتر صحیفهسیده یازیشیچه، جاری هفته "سهشنبه" کونی ملی خوفسیزلیک کینگشی مصلحتچیسی حمدالله محب حکومتی بیر هیات باشلیغیده پاکستانگه سفر قیلهدی.
جناب آرین نینگ کوپهیتیریشیچه، بو سفرده خوفسیزلیک، تینچلیک و ترورچیلرگه قرشی کورهش خصوصیده صحبت ایتیلهدی.
پاکستانلیک بیرقطار میدیالرینینگ گزارشیگه کوره، اوشبو سفر پاکستان اردوسی نینگ باش قومندانی قمر باجوه نینگ دعوتی اساسیگه صورت تاپهدی.
گزارشلرگه کوره، ایچکی ایشلر وزیرلیگینینگ سرپرستی مسعود اندرابی هم اوشبو سفرده اشتراک قیلهدی.
بیراق، سیاسی ایش بیلرمانلردن بیری محبالله شریف نینگ ایتیشیچه، افغانستان حکومتی، پاکستان نینگ طالبان گروهینی مذاکرهگه راضی قیلیشینی توشینهدی، بیراق پاکستان بو ایشنی قیلمهیدی.
جناب شریف گه کوره، افغانستان حکومتی پاکستان اردوسی و استخباراتی بیلن بیر معامله آرقهلی، سیاسی اوینلرنی ساده قیلیش اوچون سعی و حرکت قیلهدی، بیراق بو حرکت ناتوغری دیر و پاکستان افغانستانگه قرشی صادق ایمس دیر.
بوندن آلدین هم نیچه مرته افغانستان حکومتینینگ مسووللری، ترورچیلیککه قرشی کورهش و تینچلیک خصوصیده پاکستانلیکلر بیلن مذاکره قیلگن ایدیلر، بیراق اوشبو مذاکرهلر حاضرگهقدر ایجابی نتیجه بیرمهگن.
