پولیس کوچلری تشکیلاتیده اینگ خطرلی ایشلردن بیرینی بجرهدیگن بو افسرنینگ آتی بشیراحمد رسولی دیر و ایشی انسان آرقهلی توزهلگن اینگ خطرلی نرسهلردن بیری (مایننی) تیتیکسیز حالی گه کیلتیریش بولگن.
رسولی بو ایشی نی کمیده 8 ییل آلدین پولیس تشکیلاتی ده ماین تازهلاوچی افسر صفتیده باشلهگن و حاضر هم شو ایش بیلن شغللنهدی.
اوشبو خطرلی مأموریت ده وطن گه بولگن سیوگیسی، مایننی تیتیکسیز حالی گه کیلتیرهدیگن اسکونهلری، خوفسیزلیک کییمی و تعلیمات دورهسیده آلگن فنی تعلیماتلر اونگه همراهلیک قیلهدی.
افغانستان نینگ حاضرگی وضعیتیده ماین پارتلش اولیملی واقعهلردن سنلهدی، رسولی یوزلرچه مرته خوفسیزلیک کییمی بیلن قوتقرووچی فرشته صفتیده ظاهر بولیب و کوپینچه ماینلرنی تیتیکسیز حالی گه کیلتیرگن.
رسولی حاضر 32 یاشیده بولگن و بلخ، پروان و کاپیسا ولایتلریده بولگن مأموریتی ده اینگ خطرلی واقعهلردن قوتیلگن.
او، حاضر کاپیسا پولیس تشکیلاتی نینگ انجنیرلیک تیرمه جماعهسینی آمری دیر. اونینگ ایتیشیچه، پولیش تشکیلاتی گه قوشیلیش اوچون بولگن بیرینچی دلیلی بالهلیک دورانیده حربی بولیملریگه بولگن قیزیق علاقهسی دیر؛ او، بیلیم یورتده حقوق و سیاسی بیلیم فاکولتهسینی بیتتیرگن، بیراق حربی بولیم گه علاقهسی بولگنی باعث، پولیس تشکیلاتی گه قوشیلگن.
جناب رسولی، اوتکزگن یریم ساعتلیک سوزلشوولریده اینگ آغیر مأموریتلریدن ایسلهگن. ایریم پیتلر مأموریتی دن قول تارتیش گه قرار قیلگن؛ بیراق ایتیشیچه، هیچ قچان قیینچیلیکلرگه تَن بیرمهگن.
رسولی نینگ ایتیشیچه، ماین دن باشقه دوشمنی یوق دیر و هر بیر مرته مایننی تیتیکسیز حالی گه کیلتیرگنده خرسند بولهدی و هیچ بیر یوتوق بوندن آرتیق لذتلی بولمهیدی.
اوشبو ماین تازهلاوچی افسرنینگ کوپهیتیریشیچه، بیرینچی ماین تازهلش مأموریتی نی 8 ییل آلدین پروان مرکزی خلازهیی قیشلاغیده عالم ارا دهشت بیلن عمل گه آشیرگن و حاضرگچه 2 مینگدن آرتیق مایننی تیتیکسیز حالی گه کیلتیریش گه مؤفق بولگن.
رسولی گه ییتیشگن معلومات اساسیده، تعلیمات دورهسیده بولگن دوستلریدن 10 تهسی افغانستان نینگ تورلی ولایتلریده خطرلی مأموریتنی عملگه آشیریش جریانیده هلاک ایتیلگنلر و یا-ده درمانسیز زیانلر باعث، اویده یاتقیزیلگن.
اوشبو ماین تازهلاوچی افسرنینگ اوچ فرزندی بار و فرزندلریدن اوزاقلهنیش اونینگ آغیر حالده سالهدی، بیراق اورغولشیچه، اولکهداشلریگه تینچ حیات زمینهسی یرهتیلیشی اوچون آغیر مأموریت نی عمل گه آشیرهدی.
خوفسیزلیک مسؤوللری تامانیدن بیریلگن معلومات اساسیده، سونگی بیر دهه جریانیده پروان ولایتیده حربیلر و تینچ اهالی نینگ اینگ آز قربانلیگی ماینلر پارتلهشیدن بولگن.
شو توغریده…
جاپان ماین تازهلاوچی پروژهلرگه 1.2 میلیون دالر یاردم بیردی
