افغانستان تینچلیک لایحهسی بوییچه آمریکا خاص نمایندهسی زلمی خلیلزاد نینگ توییتر صحیفهسیده یازیشیچه، طالبان نمایندهلری بیلن 6- دور سوزلشوولر باشلهنیشیده، اولردن تینچلیکنی قبول قیلیب قوراللرینی ییرگه قوییشینی سورهگن.
خلیلزاد نینگ یازیشیچه، بو دور سوزلشوولرده چیتایللیک کوچلرنینگ چیقیشی، خلق ارا تروریسمگه قرشی کورهشنی تضمین قیلیش، آتیشکیسین و افغانستانلیکلر آرهسیده سوزلشوولرنینگ باشلهنیشی توغریسیده کیلیشوو صورت تاپیشی کیرهک.
خلیلزادگه کوره، بو 4 موضوع توغریسیده کیلیشیلمهگن حالده، هیچقندی کیلیشوو کیرهک ایمس.
افغانستان تینچلیک لایحهسی بوییچه آمریکا خاص نمایندهسی نینگ کوپهیتیریشیچه، افغانستان یشاوچیلری تینچلیک ایستهیدی و طالبان گروهینی اوشبو مملکت یشاوچیلر ایستهگیگه دقت قیلیشی کیرهک.
عینحالده، طالبان گروهی، خلیلزاد نینگ بو سوزلریگه قرشیلیک کورستگن و بو گروه قوراللرینی ییرگه قویمهیشینی بیلدیرگن.
ایتیشکیرهک، طالبان گروهی و آمریکا نمایندهلری آرهسیدهگی تینچلیک سوزلشوولرنینگ 6- دوری ایکی کون آلدین دوحه شهریده باشلندی.
