افغانستان بوییچه بیرلشگن ملتلر تشکیلاتی نینگ اورین باسرلیک هیأتی، بوگون افغانستانده قوراللی آتیشمهلرگه علاقهدار محبوسلرگه قرشی حرکتلر توغریسیده ینگی گزارشینی نشر قیلدی.
اوشبو گزارش ده کیلیشیچه، میلادی 2016- ییلدن بویان افغانستان قیناققه سالیش رقمی ده کمهییش کورینهدی، بیراق محبوسلر تامانیدن قیناق و بدرفتارلیک توغریسیده بیریلگن گزارشلر رقمی یوقاریلیگی خصوصیده خواطرلر موجود.
افغانستان بوییچه بیرلشگن ملتلر تشکیلاتی نینگ اورین باسرلیک هیأتی یا-ده یونامانینگ اعلامیه سیده کیلیشیچه، بو گزارش مذکور اداره و بیرلشگن ملتلر تشکیلاتی نینگ انسان حقلری دفتری تامانیدن قوشمه شکلده قیناققه سالیشنی منبع ایتیش کنوانسیونی نینگ اختیاری پروتوکولی گه افغانستان قوشیلیشی نی بیرینچی ییللیگی ده نشر قیلینگن.
افغانستان بیر ییل آلدین قیناققه سالیشنی منع قیلیش کنوانسیونی نینگ اختیاری پروتوکولی گه قوشیلدی و قیناققه سالیش آلدی آلینیشی توغریسیده سوز بیردی.
گزارش گه کوره، قوراللی آتیشمهلرگه علاقهدار محبوسلردن کمیده اوچ دن بیری بیلن صحبت قیلینگن و اولر قیناققه سالیش و بدرفتارلیک توغریسیده ایشانچلی و مؤثق گزارشلرنی ارایه قیلگن.
بو گزارشده میلادی 2017- ییل، 1- جنوری دن میلادی 2018- ییل، 31 دسمبرگچه افغانستان نینگ 28 ولایتیده 77 قماقخانه ده 618 محبوس بیلن صحبت قیلینگن.
یوناما دفتری نینگ ایتیشیچه، محبوسلر تامانیدن بیریگن گزارش اساسیده، ملی مدافعه کوچلری و افغان خوفسیزلیک کوچلری قماقخانهسیده بولگن محبوسلردن 32% قیناق و بدرفتارلیکدن گزارش بیرگنلر و میلادی 2015- ییل، 1- جنوری دن میلادی 2016- ییل، 31- دسمبرگچه بو رقم 39% گه ییتیشگن.
بو کمهییش 2018- ییلده کوپراق کورینگن و بیریلگن گزارشگه قرهگنده ملی خوفسیزلیک قماقخانهلریده بولگن محبوسلر بیلن اوتکزیلگن صحبتده اولر تامانیدن بیریلگن گزارشده قیناققه سالیش و بدرفتارلیک میزانی 29% دن 19% گه کمهیگن.
اوشبو گزارشنی باشقه بیر بولیمی ده کیلیشیچه، افغان ملی پولیس کوچلری تامانیدن قولگه آلینگن قوراللی آتیشمهلرگه علاقهدار محبوسلرنینگ آرهسیده ایلگری گزارش بیریش دورهسیگه نسبتن قیناققه سالیش و بدرفتارلیک توغریسیده گزارش بیرگنلر 45% دن 31% گه کمهیگن.
گزارش اساسیده، یاشلر کوپلب بدرفتارلیک خطری گه روپهره بولهدی. یوناماگه کوره، بو گزارش حکومت تامانیدن قیناققه سالیش آلدی آلینیشی توغریسیده افغانستان ملی پلانی تطبیقاتی ده یوتوقلر بولگنینی تصدیقلیدی.
یوناما قیناققه سالیش و بدرفتارلیک رقمی کمهیگنینی امیدوارلی دیب بیلهدی، بیراق ایتیشیچه، حاضرگهقدر قیناققه سالیش و بدرفتارلیک ییترلی شکلده کم بولمهگن.
بو گزارشده جدی کورینگن قیناق و بدرفتارلیک کلتکلش ایکن و محبوسلردن کوپینچهسی نینگ ایتیشیچه، اعترافلرینی آلیش اوچون جبری شکلده قیناققه سالینگنلر و بو ایشنی انجام بیرگن زمانلریده بدرفتارلیک توختهتیلگن.
گزارشنی باشقه بیر بولیمی ده کیلیشیچه، قماقخانهلرنی موقعیتی گه قرهگنده قیناققه سالیش و بدرفتارلیک میزانی ده اساسی فرقلر کورینگن و عین حالده، افغان ملی پولیس قماقخانهلردن 31% قیناققه سالیش و بدرفتارلیکدن گزارش بیرگنلر و بو رقم قندهار ملی پولیس قماقخانهسیده 77% بولگنی اوچون خواطرلی دییلگن و محبوسلر تامانیدن بولینگن ادعالرگه کوره، قیناققه سالیشلر بوغیش، برققه بیریش، تناسلی دن تارتیش، یوقاریدن آسیش و محبوسلر درکسیز یوقاتیلیشی دن عبارت بولگن.
افغانستان بوییچه بیرلشگن ملتلر تشکیلاتی نینگ اورین باسرلیک هیأتی، بو گزارش قندهار و هرات ملی خوفسیزلیک قماقخانهلریده ییترلیچه یوتوقلر بولگنینی کورستهدی دییدی، بیراق ملی خوفسیزلیک قماقخانهلریدن بیرقطاری اینیقسه کابل، خوست و سمنگان قماقخانهلریده قوراللی آتیشمهلرگه علاقهدار محبوسلر و شونینگدیک، ملی خوفسیزلیک ریاستی نینگ ترورچیلیککه قرشی کورهش بولیمی محبوسلریگه قرشی قیناق و بدرفتارلیک نی خواطرلی دییدی.
بو گزارشده ملی خوفسیزلیک خاص کوچلری و خوستده جایلشگن حمایهوی کوچلر تامانیدن ناقانونی و اوز باشیمچه شکلده قولگه آلیش برجسته کورسهتیلگن.
مذکور ادارهلر پروان ولایتیده افغان ملی اردو کوچلری تامانیدن اداره بولهدیگن قماقخانهده گاوجوملیک، مناسب یاغدولیک یوقلیگی، انضباطی حرکت اوچون فردی سلول دن فایدهلنیش، عایلهلر بیلن ملاقات قیلیشده چیکلاو بولگنی و مدافعه وکیل گه قول تاپیشده چیکلاو تعیین ایتیلیشی دن خواطر بیلدیرگنلر.
افغانستان بوییچه بیرلشگن ملتلر تشکیلاتی نینگ باش کاتبینی خاص نمایندهسی تدامیچی یاماموتونینگ ایتیشیچه، اوتگن ایکی ییل جریانیده قیناققه سالیش و بدرفتارلیک آلدی آلینیشی توغریسیده دولت تامانیدن بولگن حرکتلرنی خوش قرشیلیدی، بیراق حاضرگچه قوراللی آتیشمهلرگه علاقهدار محبوسلر آرهسیده فجیح عمل بوتونلهی یوق ایتیلیشی اوچون اوزاق یول قالگن.
جناب یاماموتو، انسان حقلری و قانون حاکمیتی گه حرمت قوییشنی دایمی تینچلیک تأمینلنیشی خصوصیده اینگ یخشی یول دییدی.
عین حالده، انسان حقلری بولیمیده بیرلشگن ملتلر تشکیلاتی نینگ عالی کمیشنری میشل بشلت نینگ ایتیشیچه، بو گزارش قیناققه سالیش و بدرفتارلیک آلدی آلینیشی خصوصیده بولگن سیاستلر اوستیگه تأثیر قویگن، لیکن ییترلی بولمهگن.
انسان حقلری بولیمی ده بیرلشگن ملتلر تشکیلاتی نینگ عالی کمیشنری، دولت دن محبوسلرگه قرشی ناقانونی حرکتلر آلدی آلینیشی توغریسیده تیزلیککه بیر میکانیزم ایجاد ایتیلیشی اوچون سعی و حرکت قیلیشینی سورهگن.
یونامانینگ ایتیشیچه، بو گزارشده دولت گه ضد عنصرلر تامانیدن محبوسلر قندهی بیر شکلده قیناققه سالینیشی و بدرفتارلیگی کیریتیلمهگن.
