افغانستان جمهورلیک ریاستی بیر خبرنامه ترقهتیب ایتیشیچه، طالبان گروهی نینگ بهاری عملیاتی باشلهنیشی بو گروه اوروش گه دوام بیریشینی کورستهدی و افغانستان حکومتی بو جنگریلیک حرکتنی قتیق شکلده قارهلیدی.
عین حالده، طالبان گروهی نینگ ایتیشیچه، بو عملیات حکومت نینگ خالد ناملی حربی عملیاتی گه قرشی باشلنگن، لیکن جمهورلیک ریاستی بو ادعانی رد قیلگن. شونینگدیک، جمهورلیک ریاستی نینگ اورغولشیچه، افغانستان حکومتی تینچلیک برابریده بولگن برچه توسیقلرنی کوترگن.
شونینگدیک، افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد، اوز توییتر صحیفهسیده یازیب ایتیشیچه، طالبان گروهی نینگ بو حرکتی اوروش طلبلیک نی کورسهتیب و تینچلیک جریانی گه زیان ییتکیزهدی.
جناب خلیلزاد، طالبان گروهی نینگ کوکلملی عملیاتینی قارهلش گه علاوه، تینچلیک سوزلشوولرینی قولیلشتیرووچی مملکتلر جملهدن پاکستان و قطردن طالبان گروهی نینگ بو حرکتینی قارهلشلرینی طلب قیلگن.
خلیلزادگه کوره، افغانستانده تینچلیک تأمینلنیشی خصوصیده بولگن سعی و حرکتلر هر زماندن کوره شدتلنگن بیرچاغده، طالبان گروهی نینگ کوکلملی عملیاتی باشلهنیشی بو گروه مقصدلریگه ایریشیش اوچون اوتمیشلردهگی طریقهلرگه باغلنگنینی کورستهدی.
افغانستان تینچلیک لایحهسی آمریکا تشقی ایشلر وزیرلیگینی خاص نمایندهسی باشقه توییت ده اورغولشیچه، آمریکا قوشمه ایالتلری تینچلیک تأمینلنیشی اوچون افغانستان اهالیسی نینگ یانیده تورهدی.
شونینگدیک، کیسکین حمایهوی مأموریت سوزلاوچیسی دف بتلر، طالبان گروهی نینگ کوکلملی عملیاتی باشلنگنی گه عکسالعمل بیلدیریب ایتیشیچه، بو گروه تینچلیک اورنی گه اوروش نی تنلهگن. کیسکین حمایهوی مأموریت سوزلاوچیسی، افغانستان امنیتی کوچلریدن حمایت قیلیشلری اوستیگه تأکیدلگن.
طالبان گروهی نینگ کوکلملی عملیات باشلنگن بیرچاغده، قطرده مذکور گروه و آمریکا نمایندهلری آرهسیده 5 دور تینچلیک سوزلشوولری اوتکزیلدی و حاضر هم افغانستان حکومتی و طالبان گروهی نینگ نمایندهلری آرهسیده سوزلشوولر باشلهنیشی خصوصیده سعی و حرکتلر دوام ایتماقده.
شو توغریده…
طالبان گروهینینگ بهاری عملیاتی باشلندی
