.jpg)
سوو تانگریگه تولدیریلگن پارتلاوچی ماده اوتگن کون سپیدار، جمهور رییسلیک سرایی و ملی خوفسیزلیک ادارهسی نینگ بیر بولیمی یقینیده پارتلهتیلدی. فاجعهنینگ تلفاتی 90 قربان و 450دن آرتیق انسان آغیر یینگیل یرهلنگن معلوم بولدی.
هجوم حددن تشقری کوچلی بولگنلیگی باعث پارتلش آوازی کابل نینگ اوزاق منطقهسیدهگی خلق قولاغیگه ایشیتیلدی.
پارتلش صادر ایتیلگن منطقهده اجراییه ریاستی، آلمان، هند و ایران ایلچیلیکلری جایلشگن. لیکن، بو ادارهلر هجومدن آلدین ملازملرینی نیچه کون اوچون رخصت قیلگن ایدی.
اما، سوو تانکریگه تولدیریلگن پارتلاوچی ماده نینگ موتری قندهی قیلیب پایتخت نینگ دیپلماتیک بیر منطقهسیگه کیلگن؟
ساحهنینگ متخصصلری بو قبیل هجوملر مملکتدن تشقریده پلانلشتیریلیب، تیزیم ایچکریسیدهگی حکومت نینگ قطار ملازملری همکارلیگی بیلن عملگه آشیریلهدی دیدیلر.
حربی تحلیلچی عتیقالله امرخیل نینگ سلاموطندارگه ایتیشیچه، تیزیم ایچیده بولیب ترورچیلرنی حمایت قیلهدیگنلر هیچ بیر زمان واقعه عامللری جزالهنیشیگه یول قویمهیدی دیگن.
.jpg)
باشقه بیر حربی تحلیلچی زلمی وردک، ملی بیرلیک حکومتی رهبرلری اورتهسیدهگی فکری کیلیشوو اورتهدن کیتمهگونگه قدر، بوندهی هجوملرنی کوتیش کیرهک دیگن.
جناب وردک، بوندهی هجوم صادر ایتیلیشی توغریسیده حکومت معلوماتگه ایگه بولیب، بونینگ آلدینی آلیشگه موفق بولمهسه: « حقیقتن خلق جانی سقلهنیشی اوچون هیچ بیر تدبیر» یوق دیدی. وردک نینگ ایتیشیچه، بو قبیل واقعهلرگه اسخبارات تشکیلاتلری آیاغینی تارتیش بیر شکلده حقیقتنی خلق کوزیدن یاشیریش حسابلنهدی.
مذکور حربی تحلیلچی، حکومت رهبرلرینینگ مسوولیتسیزلیگی ترورچی گروهلرنیتیگه ایریشیشی اوچون آلدیندن کوره کوپرق قوت بغیشلهگن دیگن.
ملی خوفسیزلیک ادارهسی، اوشبو ادارهنینگ قولگه کیریتگن معلوماتیده: « اوتگن کون صادر بولگن قانلی واقعه پاکستان جاسوسلیک ادارهسی (آیاسآی) نینگ توغریدن توغری همکارلیکی بیلن حقانی ترماغی آرقهلی عملگه آشیریلگن.» دیدی.
بو پایتختده صادر ایتیلگن بیرینچی ترورچیلیک هجوم ایمس. بوندن آلدین شمالدهگی شاهین 209- قول اردو، سردارمحمدداودخان 400 بسترلیک شفاخانهسی بوندهی قانلی واقعهلرنینگ گواهی بولگن ایدی. اما، هنوزگچه بو هجوملر قندهی پلانلشتیریلگنلیگی و حادثه نینگ آرتیده کیملر بارلیگی فاش قیلنمهدی.
