.jpg)
هرات محلی مسووللری نینگ ایتیشیچه، اوتگن کیچه هرات ولایتی‌نینگ گذره، انجیل، زنده‌جان، غوریان، گلران، کشک کهنه، کشک رباط سنگی، پشتون زرغون و کرخ تومن‌لری و شونینگدیک، هرات شهری‌نینگ اطرافیده یوز بیرگن سوو تاشقین‌لر نتیجه‌سیده، 4 کیشی جان بیرگن.
هرات حاکمی‌نی سوزلاوچیسی جیلانی فرهاد نینگ سلام‌وطندارگه ایتیشیچه، ملی اردو، ملی پولیس، طبیعی واقعه‌لرگه قرشی کوره‌ش اداره‌سی، فواید عامه، هرات آمبولانس و ولایت مقامی مسووللری شامل بولگن یاردمچی تیم زیان کورگن منطقه‌لرده باریب، سوو تاشقین‌لرده بند قالگن‌لرنی قوتقرگن‌لر.
اونینگ ایتیشیچه، مذکور سوو تاشقین‌لر نتیجه‌سیده، یوزلرچه مسکونی اوی، ایکینچیلیک ییر، باغ و کوپریک تخریب بولگن.
هرات ولایتی بوییچه فواید عامه ریاستی‌نی باشلیغی عبدالله حمایت نینگ ایتیشیچه، مذکور سوو تاشقین‌لر باعث، هرات- اسلام‌قلعه و هرات- تورغندی قتناو یول‌لری یاپیلیب قالگن.
او هرات یشاوچی‌لریدن مذکور قتناو یول‌لردن اوتیب قیتمه‌یش‌لرینی سوره‌گن.
.jpg)
هرات ولایتی بوییچه طبیعی واقعه‌لرگه قرشی کوره‌ش اداره باشلیغی حمیدالله مبارز نینگ ایتیشیچه، بوگون جمعه و کیله‌جک هفته‌ده هرات ولایتیده کوپینچه یامغیر یاغیشی ممکن.
او هرات یشاوچی‌لریدن، سوو تاشقین‌لر خطری برطرف ایتیلگن گه‌قدر دقت قیلیش‌لرینی سوره‌گن.
شونینگدیک، بادغیس ولایتیده سوو تاشقین‌لر باعث، 3 باله جان بیریب و کوپ قطار مسکونی اوی تخریب ایتیلگن.
عین‌حالده، فاریاب ولایتیده سوو تاشقین‌لر نتیجه‌سیده 8 کیشی جان بیریب و اوشبو ولایت خواجه‌سبزپوش تومنیده قطار مسکونی اوی و ایکینچیلیک ییرنینگ تخریب ایتیلگنی چکه‌سیده، 400 دکان هم تخریب ایتیلگن.
