کنر ولایتینی چپه دره تومنینینگ ورسک منطقهسیده طالبان و داعش گروهی آرهسیده یوز بیرگن آتیشمه نتیجهسیده، داعش جنگریلریدن 12 تهسی هلاک ایتیلگن.
کنر حاکمینی سوزلاوچیسی غنی مصمم نینگ سلاموطندارگه ایتیشیچه، چپه دره تومنینینگ ورسک منطقهسیده، داعش و طالبان گروهی آرهسیده، یوز بیرگن آتیشمهنینگ دوامی بار.
جناب مصمم نینگ کوپهیتیریشیچه، طالبان جنگریلرینی تلفاتی خصوصیده بیللی ارقام قولگه یوق، بیراق اوشبو آتیشمهده داعش جنگریلریدن 12 تهسی هلاک ایتیلگن
کنر حاکمی سوزلاوچیسیگه کوره، آتیشمه نینگ دوامی بار و حاضرگهقدر تینچلیک اهالی تلفاتی خصوصیده اولرگه گزارش بیریلمهگن.
201 سیلاب قول اردو قومندانلیگی بیر خبرنامه آرقهلی، اوشبو آتیشمهنی تصدیقلگن.
بیراق داعش و طالبان گروهی حاضرگهقدر بو خبر خصوصیده میدیالر بیلن صحبت قیلمهگن.
