بوگون "جمعه" کابل نینگ بادام باغ منطقه‌سیده، ایکینچیلیک کورگزمه یولگه قوییلیشی آرقه‌لی، دولتی مسووللر، چیت‌ایللیک نماینده‌لر و ایکینچی‌لر اشتراکی بیلن ایکینچی‌لر ایامی‌دن نشانلنگن.
اوشبو احتفالده ایکینچیلیک و چارواچیلیک وزیری نصیراحمد درانی، خصوصی بولیم‌لردن ایکینچیلیک‌نی رشد بیریش اوچون بو توغریده سرمایه یاتقیزیشی‌نی سوره‌گن.
جناب درانی نینگ ایتیشیچه، اوشبو وزارت ایکینچی‌لر و باغدارلر قیین‌چیلیگی‌نی نظرگه آلیش بیلن برنامه‌لریگه اوزگریشلیک کیلتره‌دی. اونینگ کوپه‌یتیریشیچه، ایکینچیلیک وزیرلیگی معیاری تولیدات، بسته‌بندلیک و ایکینچی‌لرنی رشد بیره‌دیگن موضوع‌لرگه کوپراغ دقت قیله‌دی.
عین‌حالده، مملکت قطار ایکینچی‌لری، ایکینچلیک وزیرلیگی مسووللریدن، محصولات‌لرینی ساتیش اوچون بیللی بازار ایجاد قیلیشی‌نی سوره‌یدیلر.
کابل شهری‌نینگ بادام باغ منطقه‌سیده یولگه قوییلگن کورگزمه‌ده 61 غرفه عیاللرنینگ قول صنعت‌لریگه اختصاص بیریلیب و باشقه 169 غرفه‌ده ایچکی محصولات‌لر کورگزمه‌گه قوییلگن.
ایکینچیلیک و چارواچیلیک وزیرلیگی مسووللریگه کوره، اوشبو وزارت جاری ییلده مملکت 10 ولایتیده 12 یخچال قوریش و کابل، هرات و قندهار ولایت‌لریده 3 سیلو ایجاد قیلیش‌گه قرار قیلگن.
کابل شهری نینگ بادام باغ منطقه‌سیده، یولگه قوییلگن کوزگزمه‌ده، میوه‌جات، سبزی‌وات، دارویی اوسملیک، لبنی محصولات، قول صنعت‌لری، ایکینچیلیک ماشین‌لر و باشقه قطار تولیدات‌لر کورگزمه‌گه قوییلگن.
