افغانستان بوییچه دموکراسی و انسان حقوقی مؤسسه‌سی، بوگون کابلده بیرینچی بار اوروش قربانلریدن ایشیتیش ییغینینی یولگه قویدی.
بو ییغینده اوروش قربانلریدن قالگن تورت کیشی عزیزلرینی قنده‌ی بیر شکلده قولدن بیرگنلری و اوروشدن بولگن ایستده‌لیک‌لرینی حکایه قیلگن.
اوروش قربانلریدن قالگن عزیزاحمد عارف، نیچه ییل‌دن بویان افغانستان و پاکستانده تعلیمات بیریش بیلن شغللنه‌دی. اونینگ ایتیشیچه، عایله اعضالریدن 6 ته‌سینی خلق و دموکراتیک حکومتی نینگ زمانیده و باشقه 9 ته‌سینی اسلامی حزب حاکمیتی ده قولدن بیرگن و اولرنینگ باشقه 14 ته‌سینی تقدیریدن حاضرگچه هیچ بیر خبر یوق دیر.
اونینگ ایتیشیچه، عایله‌سی خلق و دموکراتیک حکومتی نینگ زمانیده آیدین عایله‌لرنی جمله‌سیدن ایکن و حکومت گه مخالف تامانلر بیلن فعالیت قیلر ایکن؛ بیراق اولرنینگ حکومت گه قرشی مخالفتی آچیقلنگنیدن سونگ، حکومت ملازملری اولرنینگ اویلریگه هجوم قیلیب و اوچ ایناغه سینی توتقونگه آلگن.
عارف نینگ کوپه‌یتیریشیچه، اوزی حکومت گه قرشی اعتراض گه اشتراک قیلگنی اوچون 3 ییل قماققه محکوم بولگن.
عارف گه کوره، اوچ ییل قماق جریانیده کوپلب جسمی و روحی قیناقلرگه دوچ کیلگن و سابق جمهور رئیس داکتر نجیب الله نینگ آیاغینی آستیده همراهلریدن 2 ته‌سی نینگ جان بیریشی گه گواه بولگن.
اوروش قربانلریدن باشقه بیری مهناز صادقی، آته‌سی و تورت ایناغه‌سینی 1358 ییل‌ده قولدن بیرگن.
خانم صادقی نینگ ایتیشیچه، آته‌سی اوقووچی‌لر حرکتی‌نینگ اساسچیسی بولیب ظاهرشاه نینگ حکومتی گه قرشی کوره‌شه‌دی ایکن و اوشه زمان حکومتی اوقووچی‌لر حرکتی گه اعضاسی 2 مینگ کیشی نینگ 1357- ییل‌ده توتقونگه آلیب و تیریکله‌یین ییرگه کومه‌دی؛ بیراق آته‌سی اوشه زمانده مملکت‌دن تشقریده بولگنی باعث، تیریک قالگن.
شو توغریده…
خودکش هجوم‌لر؛ اهالی توپلَمی قربانلیک رقمی‌نی کوپه‌یتیره‌دی
کابل غربیده؛ بیر تعلیمات مرکز خودکش هجوم آستیگه قرار بیریلگن
پکتیاده شیعهلر مسجدیگه خودکش هجوم یوز بیرگن
کابلده یوز بیرگن خودکش هجوم‌ده 7 کیشی هلاک و 9 کیشی یره‌لنگن
صادقی نینگ کوپه‌یتیریشیچه، آته‌سی مملکت گه کیلگنیدن سونگ، ظاهرشاه اونینگ دقتی نی دولت گه همکار قیلیش خصوصیده جلب قیلیش اوچون سعی و حرکت قیلگن؛ بیراق آته‌سی راضیلیک بیلدیرمه‌گن و نتیجه‌ده تورت اوغلی بیلن توتقونگه آلینگن.
اونینگ ایتیشیچه، نیچه ییل عزیزلری نینگ تقدیریدن خبرسیز ایکن و نتیجه‌ده کمونیست‌لر حکومتی نینگ دورانیده قربان بولگن 5 مینگ کیشی نینگ رویخطی نشر بولگن و اولرنینگ آره‌سیده عایله‌سی نینگ 5 اعضاسینی آتی بار ایکن.
حمید رفیع، راحله رفیع نینگ ایناغه‌سی دیر. راحله رفیع جاری ییل 24- اسد، کابل شهریده مهدی موعود کورسی ده یوز بیرگن خودکش هجوم ده هلاک بولگن ایدی.
رفیع نینگ ایتیشیچه، سینگیلیسی جوده محنت کش قیز ایکن و اونگیده بولگن قیین‌چیلیک‌لرگه بویین اینگمه‌ی درسلریگه دوام بیرگن و نتیجه‌ده مهدی موعود کورسی ده یوز بیرگن خودکش هجوم ده شهید بولگن.
حمیدگه کوره، راحله 10- صنف اوقووچیسی بولگن زمانیده انگلیس تیلی نی یخشی اورگنگن ایکن و تعلیمات مرکزلریدن بیریده انگلیس تیلینی درس بیره‌دی ایکن.
حمیدنینگ ایتیشیچه، موعود کورسی ده پارتلش یوز بیرگن کونیده 6 ساعت کابل شهری نینگ کسلخانه‌لریگه یوریب سینگیلیسی نی آخترگن؛ بیراق راحله‌دن هیچ بیر اثر تاپمه‌گن و عدلی طب گه مراجعه قیلگنیدن سونگ، راحله نینگ جسدینی کییمی و ساعتی دن تانیگن.
حمید آته‌سی و قرینداشلری‌نینگ مصلحتی بیلن راحله اوچون بوله‌دیگن ختم قرآن مراسمی نینگ پولینی اونینگ آتی گه بیر کتابخانه توزه‌تگن و حاضر توزه‌لگن کتابخانه ده 7 مینگ جلد دن آرتیق کتاب موجود.
اوروش قربانلریدن باشقه بیری عالیه عظیمی نینگ ایتیشیچه، آته‌سی طالبان حکومتی نینگ زمانیده مسجد امامی ایکن و قوم بویوک‌لریدن نیچه کیشی بیلن بیرگه تینچلیک سوزلشوولری اوچون طالبلرنینگ آلدی گه بارگن‌لر؛ بیراق مقصدگه ییتیشمس‌دن آلدین طالبان اولرنینگ اوققه توتگن.
افغانستانده یوز بیرگن کمیده تورت دهه ایچکی اوروشلر مملکت اهالیسی دن کوپلب قربانلیک آلگن. انسان حقوقی تشکیلاتلری تامانیدن بیریلگن ینگی رقملرگه کوره، یالغیز سونگی ییل‌لرده هر کون افغانستانده چمه‌سی 200 کیشی هلاک بوله‌دی.
