جمهورلیک ریاستی‌نی ایکینچی اورین باسری محمدسرور دانش، دولت قوریش خصوصیده سیلاونی اساسی بیر لایحه بیلیب ایتیشیچه، بو لایحه آلغه آلیب باریلیب و کوچلنتیریلیشی کیره‌ک. اونینگ ایتیشیچه، تینچلیک کبی اونملی موضوعلر دولت قوریش لایحه‌سی توخته‌لیشی گه سبب بولمه‌سین.
«ملی وحدت شهیدی» عبدالعلی مزاری‌نی 24- ییل اولیمی‌دن نشانلش اوچون جمهورلیک ریاستیده یولگه قوییلگن احتفالده جناب دانش‌نینگ ایتیشیچه، حاضرده قطار کیشی‌لر تینچلیک‌که قول تاپیش‌نی اولویت‌گه قرار بیریلیشی‌نی ایسته‌یدی و اوشبو لایحه‌نینگ عملگه آشیریلیشی اوچون سیلاودن وازگیچیش کیره‌ک.
جمهورلیک ریاستی‌نی ایکینچی اورین باسری‌نینگ تاکید قیلیشیچه، 1398- ییل جمهورلیک ریاستی سیلاوی تینچلیک بهانه‌سی بیلن کینگه تشلنگن حالده، افغانستانده دولت قوریش لایحه توخته‌تیله‌دی.
جناب دانش نینگ کوپه‌یتیریشیچه، جمهورلیک ریاستی سیلاونینگ تعیین ایتیلگن زمانده یولگه قوییلیشی اوچون ملی بیرلیک حکومتی سعی و حرکت قیله‌دی« بو افغانستان یشاوچی‌لرینی ایسته‌گی دیر و هیچ موضوع یشاوچی‌لر ایسته‌گی‌گه توسیق بوله آلمه‌یدی و بو لایحه‌نینگ توخته‌تیلیشی، 18 ییل لیک یوتوق‌لرنی زیان کوریشی‌گه سبب بوله‌دی.»
شونینگدیک جمهور رئیس غنی هم قانون اساسیگه کوره، سیلاونینگ یولگه قوییلیشی‌نی «حتمی و اونملی» عنوان قیله‌دی.
جناب غنی‌نینگ کوپه‌یتیریشیچه، حاضرده تینچلیک موضوع‌سی حاکم بیر سوزلشووده اوزگریلگن و کوپینچه سعی و حرکت‌لردن سونگ، اوشبو لایحه حاشیه‌دن متن‌گه کیلگن« تینچلیک اوچون تیارگرلیک بوگون‌دن باشلنمه‌گن. مصلحتی و دایمی بیر پروسه تینچلیک موضوع‌سینی بو مرحله‌گه کیلیشی‌گه سبب بولگن.»
عین‌حالده، ملی بیرلیک حکومتی‌نی اجرایی باشلیغی عبدالله عبدالله نینگ جمهورلیک ریاستی سیلاونی تعیین ایتیلگن زمانده یولگه قوییلیشی اوستیگه تاکید قیلیب ایتیشیچه، دایمی تینچلیک، سیلاودن ناتوغری قوله‌نیش معنی سیگه ایمس.
جناب عبدالله نینگ تاکید قیلیشیچه، تینچلیک اوچون هر قندی فرصت‌دن فایده‌لنیش کیره‌ک «ایتیلیشیچه طالبان گروهی بوندن سونگ، عصیانچی گروه‌لردن حمایت قیلمه‌یشی خصوصیده کیلیشگن اوشبو سوزلر توغری بولگن صورتده، افغانستان قیین‌چیلیگی دن بیر بولیمی حل ایتیله‌دی.»
اوشبو مراسمده ملی بیرلیک حکومتی‌نینگ رهبرلری و سیاستچی‌لر اسلامی وحدت حزبی‌نینگ سابق رهبری عبدالعلی مزاری‌نینگ عمل کردلریدن ستایش قیلگن.
