بادغیس ولایتی کینگش اعضاسی فرید اخیزی نینگ سلام‌وطندارگه ایتیشیچه، اوشبو ولایت مقر تومنیده امنیتی کوچلر پوسته‌سیدن 3 ته‌سی طالبلر قولیگه سقوط قیلیب و امنیتی کوچلردن 8 ته‌سی هلاک و باشقه 6 ته‌سی یره‌لنگن.
اونینگ کوپه‌یتیریشیچه، آتیشمه نتیجه‌سیده طالبلر جنگریلریدن بیرقطاری هلاک ایتیلیب و یره‌لنگن؛ بیراق بیللی ارقام قولگه یوق.
عین‌حالده، 207 ظفر قول اردو قومندانلیگی‌نی ارکان باشلیغی زمری فیضی‌نینگ بو خبرنی رد قیلیب ایتیشیچه، عصیانچی‌لرنی نابود قیلیش اوچون کمکی کوچلر بادغیس‌گه یوباریلگن.
شونینگدیک طالبان جنگریلری فراه ولایتیده امنیتی کوچلر پوسته‌لریدن 2 ته‌سینی اوستیگه هجوم قیلگن.
فراه ولایتی کینگش اعضاسی شاه‌محمود نعیمی نینگ سلام‌وطندارگه ایتیشیچه، طالبان جنگریلری فراه شهری‌نینگ اطرافیده و اوشبو ولایت بالابلوک تومنی‌نینگ قتناو یول‌لریده امنیتی پوسته‌لر اوستیگه هجوم قیلگنلر.
اونینگ کوپه‌یتیریشیچه، فراه شهری‌نینگ اطرافیده طالبان گروهی تلفات بیرگن؛ بیراق بالابلوک تومنی‌نینگ قتناو یول‌لریده صورت تاپگن آتیشمه‌ده ایکی تامان تلفات کورگن.
شوتوغریده…
- بغلان و سمنگانده امنیتی کوچلردن 6 ته‌سی هلاک ایتیلگن
سرپل؛ امنیتی کوچلردن 200 ته‌سی طالبلرنینگ قمراویده قالگن
فاریاب ولایتیده امنیتی کوچلردن 18 ته‌سی هلاک ایتیلگن
فراه حاکمی‌نینگ اورین باسری موسی نظری، طالبان جنگریلری‌نینگ بالابلوک قتناو یول‌لریده امنیتی پوسته‌لر اوستیگه قیلگن هجومی‌نی تصدیق‌لیدی، بیراق تلفات خصوصیده صحبت قیلمه‌یدی.
عین‌حالده، طالبان گروهی‌نینگ بیر خبرنامه آرقه‌لی ادعا قیلیشیچه، اوشبو گروه جنگریلری ملی اردو قرار گاهی اوستیگه قیلیب نتیجه‌ده، امنیتی کوچلردن 28 ته‌سی هلاک ایتیلگن.
