بوگون «چهارشنبه» کابلده افغانستان مدنی جماعهچیلیک جمغرمهسی «عیاللرگه قرشی عایلهوی زوروانلیکلر» نامیده اوتکزگن تدقیقاتدن قولگه کیریتگن معلوماتینی نشر قیلدی.
مذکور جمغرمه مسؤوللرینینگ ایتیشیچه، اوشبو تدقیقات کابل، بلخ، ننگرهار، بامیان و هرات ولایتلریده 1925 کیشی بیلن صحبت اوتکزیلیب تیارلنگن.
اولرگه کوره، صحبت بیرگنلردن 72% عیال و باشقه 28% ایرکک بولگن.
افغانستان مدنی جماعهچیلیک جمغرمهسینی جندر باشلیغی انجیلا هدایت نینگ ایتیشیچه، اوشبو تدقیقات دن قولگه کیریتیلگن معلومات گه کوره، مذکور ولایتلرنینگ ایرککلریدن 75.9% عیاللرینینگ اوستیگه زوروانلیک قیلگنلر.
خانم هدایت گه کوره، عیاللرگه قرشی زوروانلیکلر ترکیبی شکلده تورلی طریقهلر جملهدن فزیکی، مدنی، اجتماعی، اقتصادی، تیل و جنسی دیر.
عین حالده، فاریاب ولایتینینگ شهردارلیگی کینگ بیر ییغین یولگه قوییب 8- مارچ، دنیا عیاللرینینگ بیردملیک ایامینی نشانلهگن.
اوشبو ییغینده اشتراک قیلگن فاریاب ولایتی بوییچه عیاللر ریاستینینگ مسؤوللری، اجتماع ده عیاللرنی اورنی اثباتلهنیش یوتوقلرینی خوش قرشیلگن؛ بیراق ایتیشیچه، ناتینچلیکلر باعث، اولر مذکور ولایتنینگ تومنلریده عیاللرگه قرشی زوروانلیکلرنی تیکشیره آلمهیدیلر.
شو توغریده…
خوست؛ فنی و مسلکی تعلیمات آلیش عایلهوی زوروانلیکلرنی کمهیتیرهدی
جوزجان دولت ادارهلریده عیاللر برابریده زوروانلیکلر کوپ
عیاللر برابریده زوروانلیکلر 21.8فایز یوقاری کیتگن
2017 ییلده عیاللر برابرده صادر بولگن 1726 زوروانلیک تکشیریلگن
خاتین – قیزلرگه قرشی زوروانلیک؛ 42 کونده 22 قتل
شونینگدیک، خوست مدنی فعاللریدن بیرقطاری، بیر ییغین یولگه قوییب مذکور ولایتده عیاللرگه قرشی زوروانلیکلر کوپلیگیدن خواطر بیلدیرگنلر.
خوست مدنی فعاللریدن بیری پلوشه نینگ ایتیشیچه، عیاللرگه قرشی زوروانلیکلردن کوپینچهسی عیاللرنینگ اوزلری تامانیدن عمل گه آشیریلهدی. اونگه کوره، عایلهوی زوروانلیکلردن کوپینچهسی کیلین و قیینآنه نینگ آرهسیده یوز بیرهدی.
شوندهی بیرحالده، 8- مارچ دنیا عیاللری نینگ بیردملیک ایامی سنلهدی و بو ایام دنیانینگ کوپینچه مملکتلری جملهدن افغانستانده خاص ییغینلر ارا نشانلنهدی.
