بامیان ولایتیده قیشگی توریزم بیرینچی فیستوالی صورت، قول صنعتی کورگزمه‌لر، شعر کیچه‌سی و خلق ارا اسکی بیلشوولری بیلن باشلندی.
اوشبو فیستوال‌نی یولگه قویگن‌لرنینگ ایتیشیچه، هرات، قندهار و ننگرهار ولایت‌لرده توریزم سفرلرینی ایجاد قیلیب و مذکور ولایت‌لرنینگ یشاوچیلرینی بامیاندن کوریب چیقیش گه ترغیب ایته‌دیلر.
مدنیت و معلومات وزیرلیگی و بامیان محلی اداره‌سی رسمی‌لری‌نینگ ایتیشیچه، مملکت‌ده اصلی توریزم منطقه‌لریدن بیری بامیان ولایتی‌نینگ تأریخی اثرلری و طبیعی منظره‌لری دیر.
رسمی‌لرگه کوره، اوشبو فیستوال باشله‌نیشیدن مقصد، بامیان ولایتیده توریزم نی رواجلنتیریش و بو ولایت‌دن کوریب چیقیش خصوصیده، چیت‌ایللیک و ایچکی توریست‌لرنی ترغیب ایتیش دیر.
مدنیت و معلومات وزیرلیگی‌نینگ مالی، اداری و توریزم ایش‌لری بوییچه اورین باسری مژگان مصطفوی‌نینگ ایتیشیچه، توریست‌لرنی جلب قیله‌دیگن یوللردن بیری فیستوال‌لر یولگه قوییلیشی دیر.
مصطفوی گه کوره، اوروش‌لردن سونگ، کوپینچه توریست‌لر بامیاندن کوریب چیققن‌لر؛ بیراق اوروش و طالبان گروهی تامانیدن بامیان ولایتی‌نینگ مدنی اثرلریدن کوپ قسمی نابود ایتیلگنی باعث، مذکور ولایتده توریزم صنعتی گه زیان ییتکیزگن.
شو توغریده…
سمنگان هنری- فرهنگی فیستوالی بیکار قیلیندی
بامیان‌ده «کچالو گُلی» بیرینچی فیستوالی آچیلدی
بامیان‌ده دمبوره فیستوالی بولیب اوتدی
شونده‌ی بیر حالده، بامیان محلی اداره‌سی اوشبو ولایت تامان باره‌دیگن یوللرنینگ ناتینچلیگی، توریست‌لر برابریده بولگن قینچلیکلردن دیب بیله‌دی.
بامیان فرهنگی فعاللری‌نینگ ایتیشلریچه، قیش موسومی‌ده اوشبو ولایت توریست‌لری سانی قویی کیله‌دی؛ بیراق فیستیوال‌لرنینگ یولگه قوییلیشی توریست جلب ایتیشی گه یاردم بیره‌دی.
بامیان ولایتی مملکت مرکزیده قرار تاپیب و کوپینچه فرهنگی و تاریخی میراث‌لرگه ایگه بولگن و هر ییل مینگ‌لرچه توریست مذکور ولایتده سفر قیله‌دی.
مذکور ولایت معلومات و فرهنگ ریاستی نینگ ترقتگن گزارشی گه کوره، اوتگن ییلده کمیده 400 مینگ توریست بامیان نی کوریب چیققن ایدی؛ بیراق بو ییل اوشبو ولایت تامان باره‌دیگن یوللرنی ناتینچلیگی باعث توریست‌لر سانی 160 مینگ کیشی گه قویی کیلگن.
