ایرته‌لب تانگ چاغی شهر مسجدلری‌نینگ کَرنی‌لریدن آذان سیسی قولاغیم گه ییتیشردی اویقودن توردیم و حربی عسکرلردن بیری‌نینگ آرقه سیگه توشدیم و او عسکر اولکه گه خذمت قیلیش نیتی بیلن پاکستاندن افغانستان گه کیلگن و اوروش میدانلریده یامان کونلرنی باشیدن اوتکزگن. مین ایسه بیر محل گه کیردیم و او ییرده حربی عسکرلر اسلامی تعلیمات کورماقده ایکن‌لر و بیر-بیراولری‌نینگ یانیده صف تارتیب اولکه گه خذمت قیلیش اوچون وفادارلیک آنتی‌نی ایچه‌دیلر.
بیرینچی قره‌شده کوزیم جوزجان ولایتیدن بولگن دولتمرادگه توشدی و او آچیق سیما، قهوه‌یی کوزلری و پلنگی کییمی بیلن خوفسیزلیک کوچلری‌نینگ آره‌سیده تورگن ایدی.
اوشبو عسکر 13 ییل‌نی مملکت‌نینگ ایریم بولیم‌لریده اوتکزگن و اوزی‌نینگ ایتیشیچه، 60 عملیات ده یوتوقلی اشتراک قیلگن و «دشمن» نینگ سنگرلرینی باسیب آلگن. اونینگ بیر آنه‌سی و اوچ ایناغه‌سی بار، اولرنینگ کونده‌لیک خرجتی‌نی اوزی‌نینگ عسکرلیک حقوقی‌دن توللیدی. دولتمرادنینگ ایتیشیچه، هر بیر عملیات گه اشتراک قیلیش‌دن آلدین آنه‌سی‌نینگ دعاسینی آلیب و اوندن سونگ، اوروش گه تامان یول آله‌دی.
دولتمراد سنگردارلری بیلن بیرگه خاص بیر عملیات اوچون یولگه توشه‌دی و نیچه ساعت نامعلوم منطقه گه تامان منزل قیله‌دیلر؛ یول جریانیده طالبان گروهی‌نینگ نیچه پیستیرمه‌سیگه روپه‌ره بولدیک. بو عملیات‌ده ییر کوچلریگه علاوه هوا کوچلری هم رول اوینه‌یدیلر و طالبان گروهی‌نینگ اونملی باش‌پناه‌لرینی نشانگه آله‌دیلر، بیراق تینچ اهالی‌نینگ جانی سقله‌نیشی اوچون کوپلب دقت قیله‌دیلر.
شونده‌ی بیر وضعیت‌ده او بیلن صحبت قیلیش و دردله‌شیش گه فرصت تاپیله‌دی و او مأموریتی باشله‌نیشیدن حکایت قیله‌دی. دولتمراد سوز آچیب و ایتیشیچه، بیش اورتاغی بیلن پاکستاندن افغانستان کیلگن و بیرگه ملی اردو تشکیلاتی گه شامل بولگن‌لر؛ ایکی اورتاغی قندهار و باشقه‌سی هلمند کیته‌دیلر. اونینگ ایتیشیچه، اورتاقلریدن 2 ته‌سی اوروش‌ده هلاک ایتیله‌دی و باشقه ایکی اورتاغی حربی کوچلر تشکیلاتی‌نی ترک قیله‌دیلر.
اوشبو حربی عسکر عملیات جریانیده طالبان گروهی‌نینگ پیستیرمه‌سیگه دوچ کیلگنیدن حکایت قیله‌دی. ایتیشیچه، یامان کونلرنی باشیدن کیچیرگن و اچیق ایستده‌لیک‌لر قالدیرگن. دولتمرادنینگ ایتیشیچه، هلمند تومن‌لریدن بیرقطاریده اوچینچی لوانینگ بیشینچی کندکی‌نی عملیات‌لریده اشتراک قیلیب و اوروش میدانیدن قتیق تجربه‌لرگه ایگه بولگن.
مین و بو حربی عسکرنینگ حکایه‌سی بو ییرده یکونلنمه‌یدی، قیین یوللردن گاه موتر و گاه پیاده یول یوریب بیر ییرگه ییتیشدیک و او ییرده امنیتی کوچلر جوزجان و باشقه ولایت‌لرده اونملی منطقه‌لرنی طالبان گروهی‌نینگ نظارتی‌دن چیقارگن‌لری سبب، فخرلنیب اَتن قیلماقده ایکن‌لر.
بو ییرده تالیگن‌لیک‌نی رفع ایتیب بیر ساعت‌دن سونگ، حربی کوچلرنینگ کاروانی بیلن بیرگه شهر مرکزی تامان یولگه توشدیک. یول جریانیده مخابره سیسی ایشیتیلدی و طالبان گروهی‌نینگ جنگریلریدن بیرقطاری قولگه آلینگنیدن خبر بیریلدی. ینه‌دن دولتمراد بیلن صحبت قیلیش گه فرصت یره‌تیلدی؛ اونینگ ایتیشیچه، حاضرگچه اویلنمه‌گن و اولکه‌داشلری‌نینگ جان و مالی سقله‌نیشی و تینچلیگی اوچون کوره‌شه‌دی. مین و دولتمرادنینگ صحبت‌لری یکونلندی، بیراق اولکه‌دن مدافعه قیلیش سوزی حاضرگه‌قدر لب‌لرده جاری دیر.
اوروش میدانیدن قیتگنیمیزدن سونگ، باشیم گه بو عملیات‌لرده اشتراک قیلگن دولتمراد و باشقه حربی کوچلرنینگ امتیازسیزلیگی و آیلیک‌لری کم‌لیگی ایلندی؛ آیلیک اولرنینگ اراده‌سینی کوچسیز قیلمه‌گن.
