.jpg)
فاریاب عیاللریدن قطاری اوشبو ولایتده سپورتی لوازم و عیاللرگه خاص میدان یوقلیگیدن شکایت قیله‌دیلر.
شونینگدیک، میمنه شهری‌نینگ بلدیه پارکی گه سپورت قیله‌دیگن عیاللر سپورت جریانیده ایرکک‌لر تامانیدن آزارلنیش‌لری توغریسیده شکایت قیلیب ایتیشلریچه، اولر ایرکک‌لر تامانیدن آزارلنگنلری باعث چادر کییب سپورت قیلیش‌گه مجبور بولگنلر.
نیچه ییل‌دن بویان ایرته‌لب میمنه بلدیه پارکی گه سپورت قیله‌دیگن عیاللرنینگ ایتیشلریچه، اوشبو پارک اطرافیده یوقاری طبقه‌لی بنالر موجود و ایرکک‌لر او ییرلردن عیاللرنینگ سپورت قیلیش جریانیده قره‌ب آزار بیره‌دیلر. اولر، دولت‌دن اوشبو ولایتده عیاللرگه خاص بیر میدان قوریشی نی سوره‌گنلر.
بولرنینگ آره‌سیده میمنه بلدیه پارکی گه عیاللر یانیده سپورت قیله‌دیگن ایرکک‌لردن قطاری‌نینگ ایتیشیچه، پارک ایچیده هیچ بیر کیشی مذکور عیاللرنینگ آزارلنتیرمه‌یدی.
شوندی بیرحالده، فاریاب بدن تربیه‌لش ریاستی باشلیغی وهاب مجیدی، اوشبو ولایتده عیاللرگه خاص بیر میدان قوریلیشی خبر بیره‌دی.
فاریاب بدن تربیه‌لش ریاستی باشلیغی‌نینگ ایتیشیچه، اوشبو میدان یقین کیله‌جکده میمنه شهریده 18 جریب ییرگه قوریلیشی ممکن.
