افغانستان ملی فوتبال تیمی 1-4 نتیجهسی بیلن مالدیفنی شکست بیریب جنوبی آسیا رقابتلرینینگ نهایی باسقیچیگه یول تاپدی.
اوییننینگ بیرینچی یریمینینگ 20- دقیقهسیده فیصل شایسه، امید پوپلزی 34- دقیقه و آرتش هاتفی 51- دقیقهده گول اوریش بیلن پیروزلیککه یول تاپدی و مالدیفنینگ اویینچیسی علی قیصر تامانیدن ثمرگه ییتدی.
مذکور اویینده اویس غزیزی دروازه بان، حسین امین، روحالله اقبالزاده، انوش دستگیر و امید همایونی مدافعه خطده، فردین حکیمی و آرش هاتفی هافبک دفاعی، مصطفی زازی، فیصل شایسته و امید پوپلزیلر اورته میدان ده ایشلهگن.
مملکت ملی فوتبال تیمی مذکور رقابتلرده اوتگن کون بنگلهدیش و بوتان بیلن اوینهگن ایدی. شونینگدیک اوشبو تیملرنی هم ترتیب اساسیده اوچ و تورت گول اورگن ایدی.
افغانستان ملی تیمی اوشبو مسابقهلرده هنوزگچه 9 امتیاز کسب قیلگن و 10 ایجابی گل بیلن «ب» گروهیده قرار تاپگن. مملکت ملی فوتبال تیمی نهایی باسقیچ رقابتلری 5:30ده پنج شنبه کون کابل وقتی بیلن سریلانکا بیلن اویینگه چیقهدی.
