بارسلونا تیمی اوتکن سهشنبه کیچه، بیر تماشالی اویینده سویا تیمی نی 5+4 نتیجهسی بیلن شکست بیریب و اروپا «سوپرکاپ» قهرما لیک جامیگه ایریشدی. بو جام بیشینچی مرته بارسلونا قولیگه توشدی.
بیرینچی میدان یریمیده ایکی تیم هم اوییننی هجومی شکلده باشلهگن. اوییننی اوچینچی دقیقهسیده، سویا تیمی اویینچیسی اورنا بانگا تیمینی ایلگری تشلهدی. تورت دقیقه کیین لیونل مسی بیر گول اوریب اوییننی مساوی قیلدی. اوندن کیین بارسلونا اویینچیلری اوییننی قولگه آلیب و 15- دقیقهده ینه بیربار مسی ایرکین بیرضربه بیلن حریف ایشیگینی آچدی و اویین نتیجهسی 2+1 بولدی.
لوییس انریک شاگردلری لوی سوارز یوکسک پاسی بیلن، رافینیا شوتی نتیجهسیده سویا تیمی ایشیگینی آچیب اوچینچی گولگه قول تاپدی و نتیجهده بیرینچی میدان اویینی بارسلونا تیمی منفعتیگه تمام بولدی. بارسلونا تیمی تورتینچی گولنی اورگنیدن کیین، سویا تیمیگه قولدن بیرهدیگن نرسه قالمهدی، اوندن کیین برچه کوچی بیلن هجوم اویوشتیریب نتیجهده، ییگن گوللریدن بیرتهسینی قیتردی.
اوییننی 63- دقیقهسیده، بارسلونانینگ اورته اویینچیسی انیستا مصدوم بولدی و اوشبو اویینچی چیقگنیدن کیین، اون دقیقه ایچیده سویا ییگن گوللرینی جبران قیلدی.
اویین قانونی وقتیگه 4+4 مساوی نتیجه بیلن یکونلندی. بیراق اضافی وقتگه »پدرو» بارسلونانی یوتوقلی گولینی اوردی و نتیجهده بارسلونا تیمی یوتوقلیککه ایریشدی و بیشینچی مرته اروپا سوپرکاپینی آلیشگه موفق بولدی.
