اتلتیک بیلبائو فوتبال تیمی اوتکن دوشنبه کیچه، بارسلونا فوتبال تیمی برابریدهگی اویینده 1+1 مساوی بولیب، اسپانیا سوپرکاپ قهرمانلیک جامیگه ایریشدی.
بارسلونا، باریش اویینده بیلبائو برابریده 4+0 شکست ییگن ایدی، قیتیش اویینده برچه کوچیدن ایشآلیب نتیجهنی اوزگرتیرماقچی بولگن؛ انه شو سبب کوپینچه پیتده توپ و میدان اوشبو تیرمه جماعه اختیاریده ایکن. بارسا تیرمه جماعهسی جدی صورتده بیلبائو ایشیگی اوستیگه هجوم اویوشتیرگن، نتیجهده مسی اوییننی 43- دقیقهسیده لویی سوارز پاسی بیلن بیلبائو ایشیگینی آچدی.
اویین دوامیده، بارسلونا تیرمه جماعهسی گول اوروش توغریسیده کوپینچه فرصتلرنی قولدن بیردی و اوییننی 58- دقیقهسیده پیکه میداندن چیقاریلگنیدن کیین، بارسانینگ سوپرکاپ جامی توغریسیده بولگن سونگی امیدی سووگه توشدی. ایکینچی یریم میداننی سونگی 15 دقیقهسیده بیلبائو تیمی اویینچیسی آرتیز آدوریز، قولگه کیلگن فرصتدن فایدهلنیب تیمینی گولگه ییتکیزیب و نتیجهنی 1+1 قیلدی.
شوندهی بیرحالده، اویین دوامیده، بیلبائو تیمیدن کیکه سولا چیقاریلیب، بارسا تیمی دیک اون کیشی بولدی، بیراق نتیجهده باریش و کیلیش ایکی اویینده 5+1 یوتوقلیکنی کسب ایتیب، 31 ییلدن کیین اسپانیا سوپرکاپ قهرمانلیک جامیگه ایریشدی.
بارسلونا بو شکستی بیلن اوشبو موسومده تورتینچی جامنی قولگه کیریته آلمهدی. بو تیم بوندن آلدین، لالیگا، حذفی و اروپا قهرمانلری جاملرینی قولگه کیریتکن ایدی.
