افغانستان فوتبال یولدوزی بلال آرزو مملکت ملی فوتبال تیمیگه قیتیشی کوتیلیشیدن خبر بیرگن. جناب آرزونینگ سلاموطندارگه بیرگن سوزیده، حیاتی نینگ سونگیگه قدر افغانستان ملی فوتبال تیمیده اوینش اینگ کته آرزوسی ایکنلیگینی بیلدیرگن.
افغانستان فوتبال یولدوزی کیلگوسی مسابقهلرده مملکت نینگ باشقه فوتبالچیلری بیلن بیرگهلیکده فوتبال رقابتلریده اشتراک قیلیشنی ایتگن.
بلال، بیرینچی مرته 1389- ییلده 23 یاشر فوتبال ملی تیرمه جماعهسیگه جنوبی آسیا رقابتلریده قتنهشیش بیلن تانیلیب کیتدی. افغانستان ایکّینچی اوریننی ایگلهگن بو مسابقه بلال نینگ شهرتی ینه – ده آشیریب یوباردی. مذکور اویینلرده (پاکستاننی ایکّی گول، سریلانکانی ایسه ایکّی گول، هندوستان نی بیر گول و شونینگدیک مالدویونی بیر گول) اوریش بیلن افغانستان ملی فوتبال تیمینی باشقه پاغانهلرگه کوتاریشگن ایدی.
2011- ییلده هم جنوبی آسیا قهرمانلیک اویینلریده بلال آرزو فوتبال قیلگن. او، مذکور اویینده رقیب تیمی دوبازهسیگه تورت گول اوریشگن ایدی.
اما، آخیرگه کیلیب اوتگن ییل اعتراض قیلیب باشقه بیش فوتبالچی (اسلام الدین امیری، مجتبا فیض، رفیع بارکزی، امرالدین شریفی، فرزاد عطایی و حشمتالله بارکزی) لر بیلن افغانستان ملی فوتبال تیرمه جماعهسینی ترک قیلیشگن ایدی.
27 یاشر بلال 2011ییلدن بیری 27 ملی اویینلرده 9 گول ثمرگه ییتکیزگن.
بلال کابلده دنیاگه کیلگن. اوچ ییل عیالهسی بیلن پاکستانده حیات کیچیردن سونگ ایرانده مهاجر بولدی. او، ایرانده 9 ییل استقامت قیلگن کیین نارویگه یول آلیب حاضر بو مملکتده حیات کیچیرهدی. بلال آرزو اسپانیا فوتبال تیمی بارسلونا طرفدارلریدن بیری. لیونلمسی، ژاوی، اینیستا و ابرهیمویچ کبی فوتبالچیلر بلال یاقتیرده دیگن فوتبال یولدوزلری سنهلهدی.
