.jpg)
بوگون مملکت ملی کریکت تیمی اسکاتلند کریکت تیمی بیلن 50 آوره ایکی دورنی باشلیدی. مذکور اویین بیرینچی دوری بوگون (دوشنبه) افغانستان وقتیده توشدن کیین ساعت 2 ده اسکاتلند ده «گرینج» کریکت میدانیده باشلنهدی و ایکینچی دوری ایسه چهارشنبه کونی بولیب اوتیشی کوتیلهدی.
افغانستان کریکت بورد رسمیلری نینگ معلوم قیلیشیچه، اوتمیش نیچه کونده، ینگی مربی ایتیب تعین لنگن هندوستانلیک لالچند راجپوت نظارتیگه آلینیب، کریکت فنلری اورگهتیلیشی بیلن اسکاتلند ملی تیمی بیلن اویینگه چیقیشگه تیارگرلیک کورگنلر.
ایتیش کیرهک حاضرگه قدر، افغانستان بیلن اسکاتلند 50 آوره 9 بیلهشوو اوتکزگن که بولردن 6 اویینی افغانستان و 3 اوییننی اسکاتلند نفعیگه یکونلهگن.
سپورت تحلیلچیلریگه کوره، اسکاتلند ملی کریکت تیمی اویینچیلری اوز توپراغلریده یخشی اوینهیدیلر و مملکتلریگه ایکی اویین اوتکزیلیشی بیلن بیری افغانستان و ایکینچیسی اسکاتلند نفعیگه یکونلهدی.
مملکت ملی کریکت تیمی اسکاتلند بیلن چهارشنبه ده بوله دیگن ایکینچی بیلهشوویدن کیین ایرلند بارهدی.
کریکت خلق ارا کینگشی درجه بندی گه قرهگنده، شو حاضر افغانستان کریکت تیمی دنیانینگ بیرکونلیک بیلهشوویده 10- مقام و 4 کونلیک بیلهشوویده 3- مقامگه ایریشگن.
