غزنی ساغلیک ریاستی باشلیغی ظاهرشاه نیک‌مل نینگ ایتیشیچه، اوتگن کیچه مذکور ولایت نینگ گیلان تومنیده‌گی رَسَنه ساغلیق نی سقلش مرکزی نینگ ایریم بولیمی‌ده موشک اصابت قیلگن و اوشبو مرکزنینگ ایشلاوچیلریدن بیریسی هلاک بولگن.
جناب نیک‌مل نینگ ایتیشیچه، دستلبکی گزارشلرگه کوره، اوشبو مرکز حربی عملیات جریانیده هوایی هجوم آستیده قرار تاپگن؛ مذکور هجوم قیسی گروه تامانیدن اویوشتیریلگنی حاضرگچه بیللی بولمه‌گن.
بیراق طالبان بیر خبرنامه ترقه‌تیب اوشبو هجوم نی چیت‌ایللیک کوچلرگه نسبت بیریب یازیشیچه، اوشبو هجوم‌ده ساغلیق نی سقلش بیر مرکز نابود بولگن و نتیجه‌ده صدیق‌الله ناملی بیر داکتر هلاک بولگن.
طالبلرنینگ خبرنامه‌سیگه کیلیشیچه، شونینگدیک اوشبو هجوم‌ده قطار یشش اویلر اورته‌دن کیتیب و اهالی نینگ قطار نیرسه‌لری اوغیرلنگن.
باشقه بیر تاماندن غزنی ولایتی کینگشی اعضاسی نصیراحمد فقیری‌نینگ ایتیشیچه، مذکور هوایی هجوم نتیجه‌سیده ملی خوفسیزلیک ایشلاوچیلریدن 8 ته‌سی گیلان و جاغوری تومنلری آره‌سیده‌گی رَسَنه قیشلاقیده هلاک بولگن.
غزنی حاکمی سوزلاوچیسی محمد عارف نوری، گیلان و جاغوری تومنلری آره‌سیده بولگن رَسَنه قیشلاقیده‌گی ساغلیق نی سقلش مرکزی اوستیگه بولگن هجوم نی تصدیقلمه‌ی ایتیشیچه، اوشبو تومنده محلی کوچلرنینگ پوسته‌لریدن بیریسی نی اوستیگه اشتباهی هجوم اویوشتیریلگن و نتیجه‌ده ملی خوفسیزلیک کوچلریدن 8 ته‌سی هلاک و باشقه 4 کیشی تن‌جراحتی کوتارگن.
غزنی خوفسیزلیک مسئوللری حاضرگچه بو توغریده هیچ بیر نرسه دیمه‌گن.
شو توغریده:
غزنی؛ طالبان قماقخانه‌سیدن 35 کیشی کماندولر تامانیدن قوتقریلدی
بادغیس‌ده پولیس پوسته‌لریدن بیری ناتوغری هوایی هجوم‌گه دوچ کیلگن
ناتو کوچلری بیر فاتحه مراسم اوستیگه هجوم اویوشتیردی
