بامیان ولایتیده یشش محیط ادارهسی مسؤوللرینینگ ایتیشیچه، مذکور ولایتده مذهبی ایشانچلر و وحشی حیوانلر کوپلب آولنگنی باعث، وحشی حیوانلر جملهدن بوری و کییک نسلی نابودلیک خطری گه روپهره بولگن.
سلاموطندارگه صحبت بیرگن بامیان ولایتینینگ یشش محیط ادارهسینی باشلیغی ابراهیم دادفرنینگ ایتیشیچه، آوچیلر کینگ شکلده مذکور ولایت بویلب وحشی حیوانلرنی آولهیدیلر و بو ایش وحشی حیوانلرنینگ نسلینی انقراض گه اوچرهتگن.
جناب دادفرگه کوره، ولایت تومنلریده وحشی حیوانلرنینگ آولش آلدی آلینیشی اوچون کونگیللی تیملر ایجاد ایتیلگن، بیراق امنیتی کوچلر حیوانلرنینگ آولش آلدی آلینیشی خصوصیده بیفرق یاندهشهدی.
یشش محیط ادارهسی باشلیغینینگ ایتیشیچه، اوشبو ولایتده 179 تور قوش و 11 تور وحشی حیوان تانیلگن و وحشی حیوانلردن 9 توری شفقت سیز آو نتیجهسیده نابودلیک خطری گه روپهره بولگن.
شونینگدیک، بامیانده یشش محیط فعاللرینینگ ایتیشیچه، یشش محیط و وحشی حیاتنی سقلش ملازملری، وحشی حیوانلرنینگ آولش آلدی آلینیشی توغریسیده هیچ بیر ایش قیلمهگنلر.
سلاموطندارگه صحبت بیرگن یشش محیط فعاللریدن ایکی کیشی انور رحیمی و داوود احمدینینگ ایتیشیچه، بوری و کییک که علاوه، یکاولنگ تومنیده سوو تاووق، تاووشقان و تولکی کبی حیوانلر نابودلیک خطری گه دوچ کیلگن.
شو توغریده…
بدخشانده نادر حیوانلر امنیتی کوچلر تامانیدن آولَنهدی
غزنیده دشتی حیوانلر نابود ایتیلیشی خصوصیده، خواطرلر موجود
هراتده کم اوچرهیدیگن حیوانلر و قوشلر یوقالیش خوفی بیلن روپه ره
یشش محیط فعاللریگه کوره، وحشی حیوانلرنینگ آولهشینی آلدی آلینمهگن صورتده، تیزلیککه بامیان طبیعتی جدی شکلده زیان ییتیشهدی و وحشی حیوانلر نابود بولهدی.
بامیان پولیس قومندانی حمیدالله خدایی، وحشی حیوانلرنینگ آولش گه پولیس کوچلرینینگ قولی بارلیگینی رد قیلیب ایتیشیچه، قانون اساسیده، پولیس کوچلری وحشی حیوانلرنینگ آولهنیشی گه توسیق بولیشی کیرهک.
قویاش 1389- و 1380- ییللرده جمهورلیک ریاستینینگ 1700- رقملی و 640- رقملی حکملری اساسیده، وحشی قوشلر، حیوانلرنی آولش و داریوار اوسیملیکلرنی قاچاق قیلیش منع ایتیلگن.
