فراه ولایتی اوتگن بیر هفته جریانیده نیچه مرته تکرارسیز یامغیر یاغیش و سوو تاشقینلری گه گواه بولگن.
فراه ولایتیده طبیعی حادثهلرگه قرشی کورهش ادارهسینی باشلیغی عبدالقدیر الهام، سونگی نیچه کونده مذکور ولایتنینگ پشتکوه، اناردره، خاکسفید، پشترود و بالابلوک تومنلریده سوو تاشقینلری باعث ییتیشگن زیان نی کوپ دییدی.
اونینگ سلاموطندارگه ایتیشیچه، دستلبکی تیکشیروولردن قولگه کیریتیلگن معلومات اساسیده، پشتکوه و اناردره تومنلریده یوزلرچه اوی و دکان و باشقه خاکسفید، پشترود و بالابلوک تومنلریده اونلرچه اولتیریش اوی، یوزلرچه جریب ایکینزار ییر، سوو قودوقلری، باغلر و کوپریکچهلر بوزیلگن.
فراه ولایتیده طبیعی حادثهلرگه قرشی کورهش اداره باشلیغی گه کوره، اوشبو سوو تاشقینلری نتیجهسیده 6 کیشی هم هلاک بولگن.
فراه ولایتیده طبیعی حادثهلرگه قرشی کورهش اداره باشلیغینینگ ایتیشیچه، زیان کورگنلرگه بیر مقدار تیزیاردم مادهلر ترقهتیلگن؛ بیراق بو یاردملر ییترلی ایمس دیر. او، یاردم بیرووچی ادارهلردن بو توغریده دقت قیلیشلرینی سورهگن.
عین حالده، فراه ولایتیده ایکینچیلیک، سوولنتیریش و چارواچیلیک ریاستینی باشلیغی منان متین نینگ ایتیشیچه، یامغیر یاغیش میزانی یوزده یوز کوپهیگن؛ بیراق ذخیره بولمهگنی سبب، بو سوولر قوشنی مملکتلرگه کیتگن.
باشقه تاماندن، هرات ولایتی بوییچه طبیعی حادثهلرگه قرشی کورهش اداره باشلیغی عبدالحمید مبارز حمیدینینگ ایتیشیچه، سونگی نیچه کونده مذکور ولایتده یوز بیرگن سوو تاشقینلری نتیجهسیده 6 کیشی هلاک و باشقه 4 کیشی تن جراحت آلگن.
شو توغریده…
فاریاب ده سوو تاشقینلری نتیجهسیده اونلرچه اوی بوزیلگن
بامیانده یوز بیرگن سوو تاشقینلری کوپلب مالی زیان ییتکیزگن
کابلده یوز بیرگن سوو تاشقینلریده 10 کیشی هلاک و 7 کیشی یرهلنگن
خوستده یوزبیرگن سوو تاشقینلریده 17 کیشی هلاک بولگن
اونگه کوره، بو واقعه ده 200 دن آرتیق اوی هم بوزیلگن.
حمیدی نینگ کوپهیتیریشیچه، هرات شهری علاوه سوو تاشقینلری انجیل، گذره، ادرسکن، زندهجان، غوریان، چشت، کهسان و رباطسنگی تومنلریده هم اهالی گه زیان ییتکیزگن.
اوشبو واقعهلرگه علاوه بادغیس ولایتیده قلین قار یاغگنی باعث، مذکور ولایت یشاوچیلرینی قیینچیلیککه روپهره قیلگن.
بادغیس محلی رسمیلرینینگ ایتیشیچه، اوشبو ولایت تکرارسیز قار یاغگنی باعث، بادغیس-هرات قتناو یولی یوک تاشیووچی موترلرنی یوزی گه باغلنگن.
عین حالده، سلاموطندارگه صحبت بیرگن بادغیس حاکمی اورین باسری سیدمحمد میرزازاده نینگ ایتیشیچه، مذکور ولایتنینگ فواید عامه ریاستیدن بند سبزک بولیملریگه نیچه تیم یوباریلگن و بادغیس-هرات قتناو یولی تیزلیککه یوک تاشیووچی موترلرنی یوزیگه آچیلیشی ممکن.
