تخار ولایتی‌نینگ دشت‌قلعه تومنیده صورت تاپگن اوروش‌لر باعث، مذکور تومن یشاوچی‌لریدن کوپینچه‌سی آواره بولگن‌لر.
آوارهلر قیش موسومی‌نینگ ساووق کون‌لرینی آچیق فضا و خیمه‌لرنینگ آستیگه اوتکزه‌دیلر و هوا ساووق‌لیک سبب، اولردن کوپینچه‌سی کسل بولگن‌لر.
ایکی باله آنه‌سی خانم گل‌نینگ سلام‌وطندارگه ایتیشیچه، هوا ساووق‌لیگی و ایسیق جای یوق‌لیگی باعث، باله‌لری کسل بولگن.
دشت‌قلعه تومنیده مدنی فعال‌لردن بیری کرامت‌الله‌نینگ ایتیشیچه، آواره‌لرنینگ آره‌سیده کسللیکلر کوپه‌یگن و کوپ قطار عیاللر و باله‌لر کسل بولگن.
اونینگ ایتیشیچه، مذکور کسل‌لرنی درمانلش اوچون حکومت هیچ‌قندی حرکت قیلمه‌گن.
شوتوغریده…
- دشت‌قلعه تومنی یشاوچی‌لریدن کمیده 3 مینگ ته‌سی آواره بولگن
قار و ساووق؛ تخارلیک آوارهلر خیمه‌ده تیریکچیلیک قیله‌دیلر
فراغت بیره‌می‌نینگ خرجتی اوروش آواره‌لریگه آوقت بولدی
عین‌حالده، تخار ولایتیده ساغلیق‌نی سقلش ریاستی باشلیغی حفیظ صافی‌نینگ آوارهلر وضعیتی‌دن خواطر بیلدیریب ایتیشیچه، دشت‌قلعه تومنی‌نینگ کسلخانه‌سی آتیشمه باعث، باغلنگن و بو کسلخانه ایشلاوچی‌لر یره‌دارلرنی درمانلش بیلن شغل لنه‌دیلر.
اونینگ کوپه‌یتیریشیچه، آواره‌لرنینگ ساغلیق وضعیتی‌گه دقت قیلیش اوچون نیچه ساغلیق تیم ایجاد ایتیلگن.
دشت‌قلعه آواره‌لری‌نینگ ایتیشیچه، بیرینچی امکانیت‌لرگه قول تاپمه‌یدیلر و حکومت هم حاضرگه‌قدر اولرگه همکارلیک قیلمه‌گن، بیراق تخار حاکمی سوزلاوچیسی‌نینگ ایتیشیچه، تیکشیریش تیم‌لر ایجاد ایتیلگن و بیرینچی همکارلیک‌لر تیزلیک‌که آواره‌لرنی اختیاری‌گه قوییله‌دی.
