اوتگن کون جمهورلیک ریاستی‌نینگ اعلان قیلیشیچه، سیلاولر قانونی‌گه اصلاحات کیریتیش ریجه سونگی مصلحتی ییغینده تصدیق‌لندی.
اوشبو ییغینده همکارلیک کینگش نماینده‌لری، 1398- ییل جمهورلیک ریاستی سیلاوی‌نینگ نامزدلریدن بیرقطاری و باشقه نامزدلرنینگ نماینده‌لری، سیاسی حزب‌لر نماینده‌لری، مدنی نهادلر رییس‌لری و نماینده‌لری و عدلیه وزیرلیگی‌نینگ تقنینی باشلیغی حضور تاپگنلر.
بوگون "سه‌شنبه" جمهورلیک ریاستی‌نینگ اعلان قیلیشیچه، مذکور ریجه کابینه تامانیدن تصویب ایتیلیب و جمهورلیک ریاستی تامانیدن تصدیق‌لنگن.
کابینه ییغینیده جمهور رییس محمداشرف غنی‌نینگ ایتیشیچه، سیلاولر قانونی‌گه اصلاحات کیریتیش ریجه سیاسی قشر، جمهورلیک ریاستی سیلاوی‌نینگ نامزدلری، سیلاولردن نظارت قیله‌دیگن نهادلر و مدنی جماعه اجماعسینینگ نتیجه‌سی دیر.
عین‌حالده، سیلاولر ایرکین کمیسیونی‌نینگ ایتیشیچه، 1398- ییل جمهورلیک ریاستی سیلاوی نامزدلری‌نینگ آت‌لری رویخط گه آلینگن بیر چاغده، حکومت تامانیدن سیلاولر قانونی‌گه اصلاحات کیریتیش، سیلاولرده ساخته‌کارلیک زمینه‌سینی یره‌تیش دیر.
سیلاولر ایرکین کمیسیونی سوزلاوچی‌لریدن بیری ذبیح‌الله سادات نینگ ایتیشیچه، سیلاولر قانونی‌گه اصلاحات کیریتیش ریجه، جمهورلیک ریاستی سیلاوی‌نینگ کینگه قولیشی‌گه سبب بوله‌دی.
عین‌حالده، قطار سیاسی ایش بیلرمانلرنینگ ایشانچی‌گه کوره، حاضرگی شرایط ده سیلاولر قانونی‌گه اصلاحات کیریتیش یمان نتیجه بیره‌دی.
شو توغریده…
سیاسی ایش بیلرمانلردن بیری عبدالوحید فرزه‌یی نینگ سلام‌وطندارگه ایتیشیچه، سیلاولر قانونی‌نینگ ینگی ریجه‌سیده، سیلاولر ایرکین کمیسیونی صلاحیت‌لری محدود بولیب و گزینش کمیته حذف ایتیلگن.
اونینگ کوپه‌یتیریشیچه، مذکور ریجه ملی بیرلیک حکومتی مسووللری‌نینگ آواز بیرووچی‌لر اعماللری‌گه نفوذ قیلیش‌گه سبب بوله‌دی.
سیلاولر قانونی‌گه اصلاحات کیریتیش ریجه، جمهورلیک ریاستی‌نینگ ایکینچی اورین باسری سرور دانش‌نینگ ریاستی‌ده یولگه قوییلگن 4 کون‌لیک عمومی ییغین‌دن سونگ اوتگن کونی تصدیق‌لندی.
