.jpg)
بغلان ولایتیده سمنت غوری ایشخانهسینینگ ساتیلیش جریانی ایشلاوچیلرنینگ اعتراضی باعث، کمیده بیر آیدن بویان توختهتیلگن.
سلاموطندارگه صحبت بیرگن بغلان سمنت غوری ایشخانهسینینگ ایشلاوچیلر بیرلیگینی باشلیغی احمد نثارنینگ ایتیشیچه، حاضرده مذکور ایشخانهنینگ سیلولریده 80 مینگ تُن دن آرتیق سمنت توزهتووچی ماده سقلهنیب و سمنت ایشلب چیقاریش گه تیار دیر، بیراق بو تولیدات ساتیلیشی گه زمینه یرهتیلمهگن صورتده، سمنت توزهتووچی ماده اورتهدن کیتهدی و ایشخانه کمیده 500 مینگ دالر زیان کورهدی.
بیراق بغلان حاکمی عبدالحی نعمتینینگ ایتیشیچه، بغلان سمنت غورینی ساتیش ولایت مقامینینگ صلاحیتیدن ایمس دیر و مرکزی حکومت بو ایشخانهنی قیتهدن خصوصی بولیم گه تاپشیریش خصوصیده سعی و حرکت قیلهدی.
شو توغریده…
سمنت غوری ایشخانهسی ایشلاوچیلریدن اونلرچهسی اعتراض بیلدیرگنلر
.JPG)
بغلان سمنت غوری ایشخانهسینینگ باشلیغی ریاضالدین شریفی، بو ایشخانه گه کته زیان ییتیشینی تصدیقلیدی، بیراق ایتیشیچه، مرکزی حکومت بو قیینچیلیکنی حل قیلیش اوچون خصوصی بولیم بیلن سوزلشوو باشلهگن و بو قیینچیلیک باشقه 10 کونگچه حل ایتیلهدی.
بغلان سمنت غوری ایشخانهسی 12 ییلدن کوپراق خصوصی بولیمنینگ اختیاریده ایدی و ایکی آی آلدین حکومت اوز نظارتی گه آلدی.
بغلان سمنت غوری ایشلاوچیلری ایکی آی آلدین، تقاعدلیک حقوقلری توللنمهگنی سبب ایشدن قول تارتگن ایدیلر.
