بوگون «دوشنبه» کابل‌ده خبری بیر ییغین اوتکزگن تینچ اهالی‌نی سقلش دادخواهلیک گروهی، میلادی 2018- ییل جریانیده تینچ اهالی قربانلیگی توغریسیده گزارش بیرگن.
اوشبو گزارش اساسیده، اوتگن میلادی ییل جریانیده، کابل اهالیسی کوپلب قربانلیک بیرگن و کابل‌دن سونگ، ننگرهار، غزنی، هلمند و پکتیا تیزیم شکلده ایکینچی، اوچینچی و تورتینچی بولیب کوپلب قربانلیک بیرگن‌لر.
تینچ اهالی‌نی سقلش دادخواهلیک گروهی‌نینگ گزارشی اساسیده، میلادی 2018- ییل کابل‌ده 29 واقعه یوز بیرگن و بو واقعه‌لر نتیجه‌سیده، 510 تینچ اهالی هلاک و باشقه 1107 تینچ اهالی یره‌لنگن.
تینچ اهالی‌نی سقلش دادخواهلیک گروهی‌نی اعضاسی عزیزاحمد تسل‌نینگ ایتیشیچه، یوز بیرگن واقعه‌لردن کوپینچه‌سی خودکش هجوملر، یوللرده ییرلشتیریلگن ماین‌لری پارتلشی و امنیتی کوچلرنینگ هوایی عملیات‌لری بولگن.
تسل‌نینگ کوپه‌یتیریشیچه، اکتوبر و جولای آی‌لری میلادی 2018- ییل‌نینگ اینگ قانلی آی‌لری بولگن.
تینچ اهالی‌نی سقلش دادخواهلیک گروهی‌نینگ اوشبو اعضاسی گه کوره، اوتگن میلادی ییل‌ده بامیان و دایکندی ولایت‌لریده تینچ اهالی‌نینگ قربانلیک رقمی صفر ایکن.
مذکور گروه‌نینگ گزارشی‌ده کیلیشیچه، میلادی 2018- ییل‌ده افغانستان امنیتی کوچلری‌نینگ 19 هوایی عملیاتی نتیجه‌سیده، 136 تینچ اهالی هلاک و باشقه 87 تینچ اهالی یره‌لنگن.
گزارش دوامیده کیلیشیچه، یوللرده ییرلشتیریلگن ماین‌لر کوپلب طالبان گروهی‌نینگ نظارت‌لریده بولگن منطقه‌لرده پارتلب و تینچ اهالی‌دن کوپلب قربانلیک آلگن.
تینچ اهالی‌نی سقلش دادخواهلیک گروهی، قوراللی گروهلرنینگ برابریده حکومت‌نینگ کوچسیزلیگی‌دن تنقید قیلیب و شونینگدیک، اوروش تامانلریدن اوروش جریانیده تینچ اهالی گه زیان ییتکیزمس‌لرینی طلب قیلگن.
