سلاموطندارگه صحبت بیرگن فاریاب پولیس قومندانلیگینی سوزلاوچیسی عبدالکریم یورش نینگ ایتیشیچه، بوگون ایرته فاریاب ولایتینینگ خواجه سبزپوش تومنینی غذاری قیشلاغی یشاوچیلریدن ایکی کیشی غلام سخی و جان محمد، امنیتی کوچلرگه همکارلیک قیلیشگه عیبلنیب طالبلر تامانیدن آتیب اولدیریلگن.
اونینگ ایتیشیچه، بو واقعهده باشقه بیر کیشی هم یرهلنگن.
عین حالده، سلاموطندارگه صحبت بیریب و بو خبرنی تصدیقلگن فاریاب ولایتینینگ خواجه سبزپوش تومنیده مردمی کوچلرنی قومندانی منصور عزیزینینگ ایتیشیچه، هلاک ایتیلگن کیشیلر مذکور قیشلاقدهگی مردمی کوچلرنی قومندانینینگ یقینلریدن ایکن.
اوشبو واقعه اوتگن هفته مذکور قیشلاقده طالبان جنگریلریدن 14 تهسی امنیتی کوچلر تامانیدن هلاک ایتیلگن بیرچاغده یوز بیرگن.
