هرات پولیس قومندانی امین‌الله امرخیل‌نینگ ایتیشیچه، اوشبو حادثه‌ده 5 کیشی هلاک و باشقه 4 کیشی تَن‌جراحتی کوتارگن.
اونینگ کوپه‌یتیریشیچه، اوتگن کون کیچ‌قورون ساعت 6:30 اطرافیده 3 قوراللی هجومچی آلتینچی خوفسیزلیک حوزه‌سیده کیرگن.
امرخیل نینگ ایتیشیجه، وضعیت حاضر نظارت آستیده آلینگن و 2 ساعتلیک آتیشمه‌دن سونگ هجومچی‌لردن بیرته‌سی هلاک بولگن.
امرخیل گه کوره، باشقه 2 هجومچی‌نینگ تقدیری توغریسیده تیکشیرولرنی دوامی بار.
هرات پولیس قومندانی‌نینگ ایتیشیچه، هجومچی‌لر قول بمبی بیلن جهازلنگن ایکن و شونینگ‌دیک هجومچی‌لرنینگ پارتلش جایلشتیریلگن بیر موتری، آلتینچی خوفسیزلیک حوزه برابریدن کشف و نابود ایتیلگن.
ایتیلیشیچه، مذکور موترده 400 کیلوگرام دن آرتیق پارتلش ماده جایلشتریلگن ایکن و هجومچی‌لر اونینگ حوزه گه داخل ایتیش نیتیده ایکنلر.
عین‌حالده، سلام‌وطندارگه صحبت بیرگن هرات ولایتی کسلخانه‌سینی باشلیغی عارف جلالی‌نینگ ایتیشیچه، حادثه محلی‌دن 5 اولیک و 4 یره‌دار اوشبو کسلخانه‌گه انتقال بیریلگن.
اونگه کوره، هلاک بولگنلر 3 تینچ‌اهالی و 2 حربی‌دن عبارت دیر و تینچ‌اهالی آره‌سیده بیر باله هم شامل بولگن.
اونینگ ایتیشیچه، مذکورحادثه‌ده هرات شهری‌نینگ آلتینچی حوزه آمری شامل باشقه 4 کیشی یره‌لنگن.
هرات‌نینگ آلتینچی حوزه‌سی گاوجوم منطقه‌لردن بولیب و هرات شهری‌نینگ مرکزی پل رنگینه منطقه‌سیده قرار تاپگن.
