فوتبال خلق‌ارا فدراسیونی یا-ده فیفا 2019- ییل داور‌لری‌نینگ رویخطی نی نشر قیلدی. اوشبو رویخط گه افغانستان داورلریدن 7 ته‌سی شامل دیر و اولردن 2 ته‌سی عیال و باشقه 5 ته‌سی ایرکک دیر.
مملکت فوتبال فدراسیونی وب سایتی‌نینگ معلوماتی اساسیده، مذکور داورلر آسیاده تورلری فوتبال رشته‌لریگه اِیش قیلیش‌لری ممکن.
مملکت فوتبال فدراسیونی‌نینگ معلوماتی اساسیده، یاسمین حیدری، حیلم‌آغا شیرزاد، زین‌الدین شریفی و محمدتمیم حسینی داور صفتیده، فرشته شیخ‌میری، ننگیالی سادات و محمدشریف سروری یاردمچی داور صفتیده مذکور رویخط گه قید ایتیلگن‌لر.
مذکور داور و یاردمچی داورلر فوتبال، فوتسال و ساحلی فوتبال‌نینگ تورلی بولیم‌لریده اِیش قیلیش‌لری ممکن.
.jpg)
اوشبو رویخط گه اسپانیا 41 داور بیلن رویخط نینگ باشی‌ده قرار تاپگن و اوندن کیین برزیل 40 داور بیلن ایکینچی مقام، ایتالیا 39 داور بیلن اوچینچی مقام، جاپان و ایران 33 داور بیلن سونگی مقام‌لرنی اوزلریگه اجره‌تگن.
