«جامِ صحرا» ناملی 20آورلیک کریکت بیلشوولری بیرلشگن عرب امیرلیگیده باشلهنیشی کوتیلهدی. مسابقهنی جانلی روشده نشرات بیریش امتیازی بیرینچی بار سلاموطندارترماغیگه بیریلگن. بیلشووده ایکّینچی رده ده بولگن 8 مملکت نینگ کریکتچیلری قتنشگن.
مسابقه بوگون (شنبه) ایکّی اوچرهشو بیلن باشلندی. مسابقه نینگ بیرینچی بیلشووی اسکاتلند و هانگکانک تیملری اوچرهشیشی بیلن اوتکزیلهدی.
ترقهتیلگن جدول اساسیده، افغانستان بیرینچی اویینی ایرلند کریکت تیمی بیلن اوتکزهدی. مسابقه رادیو سلاموطندار ترماغی نینگ کابل استدیوسی شمال ولایتلردهگی همکار رادیولری آرقهلی کابل وقتی بیلن ساعت 7:30 دقیهده جانلی تینگشلهشینگیز ممکن.
بوندن تشقری کریکت اویین قیزیقووچیلری اویین جریانینی سلاموطندار فیس بوکی آرقهلی جانلی روشده کوریشلری هم ممکن.
مذکور مسابقهلر 7 کوندن سونگ یعنی جنوری آیی نینگ 20 سیده اوز پایانیگه ییتهدی.
