ملی تیم قیزلری‌نینگ کییمی توغریسیده فوتبال فدراسیونی باشلیغی عذر سوره‌دی

افغانستان فوتبال فدراسیونی باشلیغی کرام‌الدین کریم، اردن تیمی بیلن اوتکزیلگن تمرینی بیلیشوولرده فوتبالچی قیزلرنینگ کییمی توغریسیده عذر سوره‌دی.

جناب کریم‌نینگ ایتیشیچه، افغانستان فوتبالچی قیزلری بیلشوولر و تمرینی اویین‌لرده افغانستان‌نینگ مدنیتی و رسم‌و رواجی‌نی آیاق آستی قیلمس‌لری کیره‌ک.

اردن مملکتی‌ده فوتبالچی قیزلرنینگ تمرینی اویین‌لریگه اشاره قیلگن مملکت فوتبال فدراسیونی باشلیغی‌نینگ ایتیشیچه، «تأسف» بو تیم حساسیت‌لرگه دقت قیلمه‌گن و او، فوتبال فدراسیونی نماینده‌لیگی‌دن افغانستان اهالیسی‌دن کیچیریم سوره‌یدی.

افغانستان ملی تیم فوتبالچی قیزلری، فبروری آیی‌نینگ 2- و 5- کونلریده ایکی تمرینی اویین‌ده اردن تیمی‌نینگ برابریگه چیقدی؛ بیراق بو اویین‌ده افغانستان فوتبالچی قیزلری‌نینگ کییمی اجتماعی ترماق ایشلاوچی‌لری و افغانستان اهالیسی آره‌سیده کوپینچه تنقیدلرگه روپه‌ره بولدی. افغانستان ملی تیم فوتبالچی قیزلری، اوشبو ایکی اویین‌نی 0-5 و 0-6 نتیجه‌لری بیلن حریف تیم‌گه تاپشیردی.

افغانستان فوتبال فدراسیونی، میلادی 2016- ییل، دانمارک‌لیک هومل (Hummel)  ناملی بیر شرکت همکارلیگی‌ده ملی تیم فوتبالچی قیزلرنینگ خاص کییمی‌نی ریجه‌له‌دی. افغانستان ملی تیمی‌نینگ ایرکک و عیاللر کییم‌لریده ارسلان صورتی اوریلگن و افغانستان فوتبال فدراسیونی بونی جذابلیگی اوچون دیگن.