شیلی ملی فوتبال تیرمه جماعهسی، جنوبی امیریکه قهرمانلیک جامی فوتبال بیلشووی فاینلیده، پنالتی ضربهلریده آرژانتین تیرمه جماعهسینی تورت و بیر نتیجهسی بیلن باسیب اوتدی و بیرینچی مرته، کوپا امیریکه قهرمانلیک جامینی قولگه کیریتدی.
اوتکن شنبهکیچهگی اویینده آرژانتین تیمی یوقاری روحیه بیلن شیلی ملی تیرمه جماعهسی مقابلیده میدان گه کیردی و بیرینچی میدانده یخشی اویین کورگزمهگه قویدی و ایکی تیرمه جماعههم یخشی فرصتلرگه ایگه بولدیلر. بیراق هیچ بیری بو فرصتلردن فایدهله آلمهدی، نتیجهده بیرینچی میدان گولسیز یکونلندی.
ایکینیچی میدانده، ایکی تیرمه جماعههم بیری- بیراوینینگ ایشیگینی آچیشگه سعی و حرکت قیلگن، بیراق بو سعی و حرکتلر نتیجه بیرمهی، ایکینچی میدانهم مساوی صورتده یکونلنگن.
آرتیقچه وقتگه، ایکی تیرمه جماعههم یخشی اوییننی کورگزمهگه قویگن. 30 دقیقهلیک اوییندن کیینهم ایکی تیرمه جماعه ایشیگی آچیق سیز قالیب و اویین نتیجهسی پنالتیگه قالگن.
پنالتی ضربهلریگه شیلی تیرمه جماعهسی اوچون ماتیاس فرناندز، ویدال، آرانگیس و الکسیس سانچز گول اورگنلر؛ بیراق آرژانتین تیرمه جماعهسی اوچون یالغیز لیونل مسی کلودیو براوو ایشیگینی آچیشگه موفق بولگن.
شو حسابده آرژانتیننینگ شهرت قازانگن تیرمه جماعهسی کوپا امیریکه قهرمانلیک جامینی قولگه کیریته آلمهگن.
کوپا امیریکه جامی نیچه تامانلمه خلق ارا واقعه بولگن و بو جنوبی امیریکه کنفدراسیون ملی تیرمه جماعهلریگه شامل دیر. جنوبی امیریکه ملی فوتبال تیرمه جماعهسیگه 10 تیم شامل، هر ییل فیفادن ایکی تیرمه جماعه بو اویینلرگه چقیریلهدی.
کوپا امیریکهنینگ بیرینچی اویینی 1916- ییلده اوتکزیلدی و حاضرگچه بو جام 44 مرته کوتریلگن. اروگویه تیرمه جماعهسی 15 مرته قهرمانلیک بیلن اوشبو جامنی اینگ یخشی قهرمانی صفتیده تانیلگن. آرژانتین 14 مرته قهرمانلیک بیلن ایکینچی درجهده توختهگن و برازیل تیرمه جماعهلری 8 مرته قهرمانلیک قیلگن، پاراگویه و پرو تیرمه جماعهلری ایکی مرته قهرمانلیک قیلگنلر، کلمبیا، بولیوی و شیلی فوتبال تیرمه جماعهلری بیر مرتهدن قهرمانلیک قیلیب، کوپا امیریکه قهرمانلرینینگ رویخطیگه آلینگنلر.
