بوگون «شنبه» کابلده سوو و برق وزیرلیگی و تورت ایچکی قوریلیش شرکت آرهسیده، بیش قوریلیش پروژه شرطنامهسی امضاءلندی.
سوو و برق وزیرلیگینی سرپرستی محمدگل خلمینینگ ایتیشیچه، اوشبو پروژهلر 237 میلیون افغانیدن آرتیق ارزشیگه بلخ ولایتینینگ شورتپه تومنینی باتور اریغ قیشلاغینینگ «گبیون دگهلری» بیرینچی پروژهسی، 7.9 میلیون افغانیلیک تخار ولایتینینگ شوراب و قُلبرس سوو ییتکزیش کاناللرینی قوریش، 4.3 میلیون دالرلیک قندوز ولایتینینگ شهروان کانالینی قوریش و 60 میلیون افغانیلیک «عزیزخان کز» درونته بندینینگ ایکینچی بولیمی استنادی دیوارینی قیتهقوریب و مستحکملشتیریش بولگن.
خلمی گه کوره، شورتپه پروژهسی یکونلنگن صورتده، 1200 جریب ییر دینگیز سووی تهدیدن سقلنهدی.
سوو و برق وزیرلیگی سرپرستینینگ ایتیشیچه، آمو دینگیزی بویینی مستحکملشتیریش پروژه کیلهجک 5 آیده و باشقه 3 پروژه 18 آیده یکونلنیشی ممکن.
اوشبو وزیرلیک رسمیلرینینگ ایتیشیچه، بو پروژهلرنی خرجتی آسیا ترقیات بانکی و هندوستاننینگ 100 میلیونلیک یاردمیدن توللنهدی.
