بوگون «شنبه» نماینده‌لر کینگشینینگ عمومی ییغینیده، نماینده‌لردن بیرقطاری، حکومت اداری بولیم‌لری ایرکین‌لشی گه قرشی‌لیک بیلدیرگن‌لر.
نماینده‌لر کینگشینینگ بوگونکی ییغینیده، ینگی اداری بولیم‌لر جمله‌دن ناگرانلر و شهیدلر ورثه‌لری اداره‌سی، مسلکی و تخنیکی تعلیمات اداره‌سی و جمعیت‌نی رویخط‌گه آلیش اداره‌سی ایرکین‌لنیشی توغریسیده بحث اوتکزیب و آواز بیریش اوچون قرار قیلگن ایدی؛ بیراق نماینده‌لر کینگشی اعضالریدن کوپینچه‌سی مذکور اداره‌لر ایرکین‌لشی‌گه قرشی‌لیک کورستگن‌لر.
نماینده‌لر کینگشینینگ ایتیشیچه، اداری بولیم‌لر ایجاد ایتیلیشی یالغیز ملی کینگش‌نینگ صلاحیت‌لریدن سنله‌دی.
نماینده‌لر کینگشی اعضالری گه کوره، اداری بولیم‌لرنی ایرکین‌لشتیریش جمهور رئیس‌نینگ صلاحیتی‌دن ایمس دیر، چونکه اساسی قانون‌نینگ 90- ماده‌سی و تورتینچی بندی اساسیده، اداری بولیم‌لرنی ایجاد قیلیش، قیته‌تیکلش و یا-ده لغو ایتیش ملی کینگش‌نینگ صلاحیت‌لریدن بولگن.
نماینده‌لر کینگشی اعضالریدن بیرقطاری، ایرکین اداره‌لر ایجاد ایتیلیشی‌دن تنقید قیلیب ایتیشیچه، ینگی اداره‌لر ایجاد ایتیلیب و ایرکین‌لشتیریلیشی، بو اداره‌لر نماینده‌لر کینگشی‌نی اونچه‌لیک نظرگه آلمه‌سیگه سبب بوله‌دی.
عین حالده، نماینده‌لر کینگشی اعضالریدن باشقه بیرقطاری، ایرکین اداری بولیم‌لر ایجاد ایتیلیشی‌گه قرشی‌لیک بیلدیریش‌لری یانیده ایتیشیچه، ناگرانلر و شهیدلرنینگ ورثه‌لری و مسلکی و تخنیکی تعلیمات ایرکین اداره‌لری ایش و اجتماعی ایشلر و معارف وزیرلیک‌لریدن اجره‌تیلگن صورتده، خذمت قیلیش‌لری یخشی بولیشی ممکن.
نماینده‌لر کینگشینینگ عمومی ییغینی اداغیده، مذکور کینگش باشلیغی عبدالرؤوف ابراهیمی‌نینگ ایتیشیچه، حکومت بونده‌ی بیر شرایط‌ده ملی کینگش تامانیدن حکومت اداره‌لری نظارت قیلینیشی‌گه توسیق بوله آلمه‌یدی.
نماینده‌لر کینگشی اعضالریدن کوپینچه‌سی حکومتی اداره‌لر ایرکین‌لشی‌گه قرشی‌لیک کورستگن‌لر؛ بیراق نصاب ییترلی بولمه‌گنی باعث، آواز بیریش سون کون گه قالگن.
