سلاموطندارگه صحبت بیرگن مرکزی حسابات ادارهسینی اورین باسری حسیبالله موحدنینگ ایتیشیچه، جاری ییلنینگ بیرینچی اوچ آییده 4.7 میلیون دالرلیک یاغلی دان چیتایل گه صادر ایتیلگن.
اونگه کوره، یاغلی دانلردن یاغ ایشلب چیقاریش اوچون معیاری ایشخانهلر قوریلگن صورتده، یاغ و شونینگدیک، باشقه چیقیندیلر بهاسی کمهییشیگه قوشیمچه، قطار کیشیلر ایش بیلن تأمینلنهدی.
مرکزی حسابات ادارهسنی اورین باسریگه کوره، حاضرده مملکت قطار ولایتلریده یاغلی دانلردن سنتی شکلده یاغ ایشلب چیقاریلهدی.
عینحالده، ایکینچیلیک و چارواچیلیک وزیرلیگی مسووللرینینگ ایتیشیچه، اوتگن ییللرده یاغلی دانلردن یاغ ایشلب چیقارهدیگن ایشخانهلر قوریش خصوصیده، ایچکی پروژهلر و ملی و خلق ارا نهادلر آرقهلی سعی حرکتلر صورت تاپگن.
ایکینچیلیک و چارواچیلیک وزیرلیگینینگ سوزلاوچیسی اکبر رستمینینگ ایتیشیچه، قیشلاقلرنی رواجلنتریش و ایکینچیلیک ترقیات برنامهسی یا-ده کارد-اف نینگ فنی و مالی همکارلیگی بیلن بلخ و هلمند ولایتلریده ایکی کته سوداگرلیک ایشخانه قوریلگن و بو ایکاوی ییلده 64 متریک تُن یاغ ایشلب چیقارهدیلر.
اونگه کوره، آسیا ترقیات بانکینینگ همکارلیگی بیلن باشقه پروژهلر آرقهلی بلخ و ننگرهار ولایتلریده ایریم سوداگرلیک ایشخانهلر قوریلگن و آییده 90 متریک تُن اوسیملیک یاغی ایشلب چیقارهدیلر.
جناب رستمی نینگ ایتیشیچه، زیتون یاغی ایشلب چیقاریش بولیمیده ننگرهار کانال ایشخانهسی اوتکن ییلده کوپینچه زیتون یاغی ایشلب چیقارگن.
ایکینچیلیک وزیرلیگینینگ مسووللریگه کوره، یاغ ایشلب چیقارهدیگن قطار خصوصی ایشخانهلر مملکت شمال بولیمی و شونینگدیک قندهار و هرات ولایتلریده سنتی شکلده فعالیت قیلهدی.
اولرنینگ ایتیشیچه، یاغلی دانلردن یاغ ایشلب چیقاریش خصوصیده سرمایه یاتقیزیلگن صورتده، مملکت اوزیگه ایترلی بولیش گه یقینلنهدی.
مملکتده چیگیت، کنجد، زغیر، سایبین، ییربادام و آفتابپرست گل یاغلی دانلر جملهسیدن دیر.