.jpg)
فراه ولایتینینگ پشترود تومنی ولسوالینینگ ایتیشیچه، اوتگن بیر ییلده مذکور تومنده جایلشگن امنیتی کوچلردن کمیده 200 تهسی وقتی بیلن یاردم ییتیشمهگنی باعث، هلاک ایتیلگن و بو تومن طالبلرنینگ قولیگه سقوط قیلیشی ممکن.
سلاموطندارگه صحبت بیرگن حاجی غوثالدین نینگ ایتیشیچه، مذکور تومن خوفسیزلیگی تأمینلنیشی اوچون 207 افسر و پولیس تعیین ایتیلگن، بیراق بو آرهدن یالغیز 18 تهسی قطعهلرده حاضر دیر و قالگنی امنیتی تهدیدلر کوپلیگی باعث، وظیفه گه حاضر بولمهیدیلر.
پشترود تومنینینگ ولسوالی، مذکور تومن یولی و پولیس پوستهلری اوستیگه طالبلرنینگ هجوملری کوپهیگنیدن خواطر بیلدیریب ایتیشیچه، طالبلرنینگ هجوملریگه قرشی توریش اوچون ییترلیچه امنیتی کوچ و حربی جهازلری یوق دیر.
اوشبو محلی رسمینینگ آگاهلنتیریشیچه، پشترود تومنی گه یاردمچی امنیتی کوچ یوباریلمهگن صورتده، تومننی طالبلرگه تاپشیریش اوچون مجبور بولهدیلر.
پشترود تومنینینگ ولسوالی گه کوره، قوراللی طالبلر بو تومننی نظارت گه آلگن صورتده، فراه شهری قولَی شکلده طالبلرنینگ قولیگه توشیشی ممکن.
.jpg)
فراه ولایت کینگشی اورین باسری شاهمحمود نعیمینینگ ایتیشیچه، مذکور ولایتنینگ تومنلریده امنیتی کوچلر تامانیدن یولگه قوییلگن عملیاتلر نتیجهسیده طالبلرگه آغیر زیان ییتکیزیلگن، لیکن امنیتی قیینچیلیکلر حاضرگهقدر موجود دیر.
بیراق، فراه پولیس قومندانلیگینی سوزلاوچیسی محبالله محب، پشترود نی فراه ولایتینینگ تین تومنلریدن بیری دیب ایتیشیچه، پشترود تومنینینگ ایریم بولیملریده ملی خوفسیزلیک، حربی و پولیس کوچلریدن تشکیل ایتیلگن نیچه پوسته موجود و اولر هیچ قچان طالبلرنینگ هجومی گه رخصت بیرمهیدی. عین حالده، او بو ولایتده امنیتی کوچلر کملیگینی تَن آلهدی.
فراه پولیس قومندانلیگی سوزلاوچیسینینگ اورغولشیچه، امنیتی ادارهلرنینگ ینگی برنامهسی اساسیده، تیزلیککه تومنلرده خذمتچی کوچلر جایلشتیریلیشی گه قرار قیلینگن.
