فاریاب ولایتی پشتونکوت تومنی‌نینگ سرحوض منطقه‌سی طالبلرگه تاپشیریلدی.
مذکور منطقه نیچه آی‌دن بویان طالبان قمرویگه قرار تاپگن ایکن و نهایت‌ده اوشبو منطقه‌ده‌گی خوفسیزلیک کوچلر و یشاوچیلرنینگ برچه‌سی هلیکوپترلر آرقلی تینچ ییرده انتقال بیریلگن.
فاریاب حاکمی نقیب‌الله فایق اوشبو خبرنی تصدیقلب ایتیشیچه، سرحوض منطقه‌سیدن چیقاریلگن خوفسیزلیک کوچلر میمنه شهری‌نینگ اطرافیدهگی پوسته‌لرگه جایلشگن.
گواه‌لرنینگ ایتیشیچه، اهالی و خوفسیزلیک کوچلرنینگ مذکور منطقه‌دن چیققنیدن کیین اردو کوچلری او ییرده قالگن بیر تانک و نیچه رنجرنی نابود قیلگنلر.
ایتیلیشیچه، خوفسیزلیک کوچلر منطقه‌دن چیققنیدن کیین اوشبو منطقه طالبان نظارتی گه اوتگن.
شونینگ‌دیک نیچه کون آلدین فراه ولایتی‌نینگ بیر تومنی طالبان گه تاپشیریلگن ایدی.
