.jpg)
بوگون «دوشنبه» کابلده خبری بیر ییغین اوتکزگن صناعت و سوداگرلیک اتاقی مسؤوللرینینگ ایتیشیچه، نادرپشتون جادهسیده دکانلری اوتگه یانگن دکاندارلرگه دولت یاردم بیریشی کیرهک.
صناعت و سوداگرلیک اتاقی اورین باسری خانجان الکوزینینگ ایتیشیچه، بازار اقتصادی، اساسی قانون حکمی و درآمدگه عاید سالیق قانونی اساسیده، خصوصی تشبثکارلرنینگ خوفسیزلیگی دولت تامانیدن تضمین قیلینیشی لازم.
جناب الکوزینینگ کوپهیتیریشیچه، نادرپشتون جادهسیده خیرخواه مارکیتینینگ دکانلری اوتگه یانگنیدن کیین، دولت دکاندارلرگه یاردم بیریب و همدللیک قیلیشی کیرهک ایدی. او، دکاندارلرگه ییتیشگن زیان جبران ایتیلیشی اوچون دولت اولرنی 25 ییلگچه سالیق و دکان کرایهسیدن معاف قیلیشینی سورهدی.
نادرپشتون جادهسیده یانغیندن زیان کورگنلرنینگ بیر اعلامیه صادر قیلیب ایتیشیچه، کابل بلدیهسی دکانلرنی معیاری شکلده قوریش جاییگه بِنا قوریلیشی گه توسیق بولگن.
.jpg)
مذکور مارکیت دکاندارلریدن بیری سیدعارف نینگ ایتیشیچه، یوز بیرگن یانغینده نیچه انباری اوتگه یانگن و شو یولدن دولت گه میلیونلرچه افغانی سالیق توللگن، بیراق دولت اولرگه یاردم بیریش جاییگه توسیق ایجاد قیلگن.
بو توغریده کابل بلدیهسینینگ فکرینی اورگنماقچی بولدیک، بیراق تکراری قونغیراقلر نتیجهسیده مؤفق بولمهدیک.
جاری 1397- ییل، 10- عقرب کابل شهرینینگ نادرپشتون جادهسیده یوز بیرگن یانغینده 7 مارکیت و کمیده 850 دکان و انبار اوتگه یانیب کیتدی.
ایتیلیشیچه، اوشبو یانغین باعث، 8000 دن آرتیق کیشی ایش سیز بولگن.
