افغانستان سیلاولر ایرکین کمیسیونی، 28- و 29 میزان ده یولگه قوییلگن نمایندهلر کینگشینینگ سیلاوینی قانیقرلی و تکرارسیز ایدی دیگن؛ بیراق سیاسی حزبلرنینگ ادعا قیلیشیچه، اوشبو جریاننی قانونیلیگی کینگ ساختهکارلیکدن زیان کورگن.
کابلده سیاسی حزبلر بیر اعلامیه ترقهتیب ایتیشیچه، تیزیمسیزلیک، مرکزلردن بیرقطاریده بایومتریکدن فایدهلنیلمهگنی و مرکزلر کیچ آچیلگنی قصدی بولگن.
سیاسی حزبلرنینگ اعلامیهسیده کیلیشیچه، سیلاو جریانینینگ مدیریتی و تیزیمی توغریسیده بیفرق یاندهشیلگن.
افغانستان ملی اسلامی جنبش حزبینینگ نمایندهسی خانمحمد وحدت، سیلاوده اهالی کینگ شکلده اشتراک قیلگنینی تقدیرلب ایتیشیچه، سیلاو یولگه قوییلگن کونیده وجودگه کیلگن قیینچیلیکلر سیلاو تنیقلیگی و ایشانچینی سوراققه دوچ قیلگن.
سیاسی حزبلرنینگ ادعا قیلیشیچه، سیلاو مدیریتیده بولگن ایریم قیینچیلیکلر اولرنینگ ایستکلری سیلاولر ایرکین کمیسیونی تامانیدن قبول بولمهگنی باعث، یوز بیرگن.
اوشبو حزبلرنینگ ایتیشیچه، سیلاولر ایرکین کمیسیونی ناقانونی آوازلردن تنیق آوازلرنی اجرهتیش اوچون بایومتریک اسکونهسیدن فایدهلنیلمهگن مرکزلرنینگ آوازلرینی قارهلشی کیرهک.
سیلاولر ایرکین کمیسیونی، سیلاو جریانی مدیریتیده یوز بیرگن کمچیلیکلرنی تَن آلهدی؛ بیراق ایتیشیچه، اوشبو اداره سیلاو جریانیگه اهالی ایشانچینی قیتهدن جلب قیلگن.
سیلاولر ایرکین کمیسیونی تامانیدن ترقهتیلگن رقملر اساسیده، 28- و 29- میزان ده یولگه قوییلگن نمایندهلر کینگشینینگ سیلاویده چمهسی 4 میلیون کیشی قتنهشگن.
سیلاولر شکایتلرینی تینگلش کمیسیونینینگ بوندن آلدین اعلان قیلیشیچه، نمایندهلر کینگشینینگ سیلاوینی مدیریتیده قبول قیلینمس کمچیلیکلر یوز بیرگن؛ بو ادعاگه ملی بیرلیک حکومتینینگ اجراییه باشلیغی عبدالله عبدالله هم موافق دیر.
