بوگون «یکشنبه» کابل‌ده خبری ییغین اوتکزگن ملی مدافعه وزیرلیگی، ایچکی ایشلر وزیرلیگی و کیسکین حمایه‌وی کوچلر مسؤوللری‌نینگ ایتیشیچه، اولر سیلاو خوفسیزلیگی تأمین‌لنیشی اوچون ییترلیچه تیارگرلیک آلگن‌لر.
ایچکی ایشلر وزیرلیگی سوزلاوچیسی نجیب دانش‌نینگ ایتیشیچه، اولر بوگون ایرته‌لب دن آواز بیرمرکزلر و محل‌لرنی خوفسیزلیگی تأمین‌لنیشی اوچون امنیتی کوچلرنی جایلشتیریش‌گه باشله‌گن و بو برنامه 26- میزان گچه دوام ایته‌دی.
جناب دانش گه کوره، اولر سیلاولر ایرکین کمیسیونی بیلن اویغونلیک‌ده کوچلرینی برچه آچیق آواز بیریش مرکزلرگه یوباره‌دیلر.
ایچکی ایشلر وزیرلیگی سوزلاوچیسی‌نینگ کوپه‌یتیریشیچه، سیلاو کونی خوفسیزلیگی تأمین‌لنیشی اوچون 50 مینگ عسکر تعیین ایتیلگن و ضرورت بولگن صورتده، بو رقم کوپه‌یتیریلیشی ممکن.
ملی مدافعه وزیرلیگی سوزلاوچیسی سیدغفوراحمد جاویدنینگ ایتیشیچه، اولر باشقه امنیتی اداره‌لرنینگ همکارلیگی‌ده سیلاو کونی خوفسیزلیگی تأمین‌لنیشی اوچون فعالیت قیله‌دیلر و امنیتی کوچلر ییر و هوا دن خوفسیزلیک‌نی تأمین‌له‌یدیلر. امنیتی اداره‌لرنینگ مسؤوللریگه کوره، سیلاو خوفسیزلیگی‌نی مدیریتی افغانستان کوچلرینی قولیده بوله‌دی.
شونینگدیک، اوشبو ییغینده کیسکین حمایه‌وی کوچلر سوزلاوچیسی کانت پیترنینگ اورغولشیچه، سیلاو خوفسیزلیگی تأمین‌لنیشی‌ده اولر اساسی رول‌نی اوینمه‌یدیلر. جناب پیترگه کوره، سیلاو مدیریتی دستلبکی باسقیچ‌دن سونگی باسقیچ گچه افغانستان یشاوچیلری‌نینگ قولیده بولیشی ممکن.
ایچکی ایشلر وزیرلیگی مسؤوللریگه کوره، امنیتی کوچلر آواز بیریش مرکزلر و محل‌لرنی خوفسیزلیگی تأمین‌لنیشی اوچون اوچ کمربند ده جایلشتیریله‌دی؛ بیرینچی کمربند آواز بیریش مرکزلر و محل‌لرنی یقینیده و ایکینچی کمربند آواز بیریش مرکزلرنی 5 مینگ مترلیگی‌گچه جایلشتیریله‌دی و اوچینچی کمربند کوچلری گیزمه قیله‌دیلر.
