میدانوردک ولایتی کینگش اعضاسی شریفالله هوتکنینگ سلاموطندارگه ایتیشیچه، مذکور ولایت سیدآباد تومنیده امنیتی کوچلر و قورالی طالب‌لر آرهسیده آتیشمهنینگ دوامی بار.
جناب هوتککه کوره، آتیشمه جریانیده اوشبو تومن پولیس قومندانی سیدنضرابشاه قطار قوروقچیسی بیلن هلاک ایتیلگن.
میدانوردک ولایتی کینگش اعضاسینینگ ایتیشیچه، سیدآباد تومنینینگ خوفسیزلیک مدیریتی و اوچ امنیتی پوستهسی طالب‌لر تصرفیگه اوتییب و کابل-قندهار قتناو یولی ترافیک یوزیگه یاپیلیب قالگن.
بیراق میدانوردک حاکمینینگ سوزلاوچیسی عبدالرحمان منگل نینگ ایتیشیچه، کمکی کوچلر تومنگه باریب طالبلرگه قرشی عملیات یولگه قویگن.
جناب منگلنینگ سیدآباد تومنینینگ طالب‌لر قولیگه سقوط قیلگنینی رد قیلیب ایتیشیچه، امنیتی کوچلر و طالب‌لر آرهسیده آتیشمهنینگ دوامی بار بیراق تلفات ارقامی بیللی ایمس.
عینحالده، طالبان گروهینینگ سوزلاوچیسی ذبیحالله مجاهدنینگ ادعا قیلیشیچه، سیدآباد تومنی اوشبو گروه قولیگه سقوط قیلگن.
