هرات ولایتیده ایش‌لری باشلنگن پروژه‌لر موزخانه، ایکینچیلیک محصولاتی دایماً کورگزمه‌ده قوییلیش اوچون میدان قوریلیشی و ایکی سرک قیر بولیشی‌دن عبارت. مذکور پروژه‌لر بیر ییل جریانیده یکونله‌نیب فایده‌لنیش‌گه تاپشیریلیشی خصوصیده، قرار قیلینگن.
اوشبو پروژه‌لر 8.8 میلیون دالردن کوپراق خرجت کوتره‌دی و بو مبلغ جاپان مملکتی تامانیدن توللنه‌دی.
مذکور پروژه‌لرنی ایشی باشله‌نیش مراسم‌ده هرات حاکمی محمدآصف رحیمی‌نینگ ایتیشیچه، اوشبو پروژه‌لرگه هرات شرقی‌ده 35 جریب ییرده ایکینچیلیک محصولاتی دایمی شکلده کورگزمه‌ده قوییلیشی اوچون میدان، شهر جنوبی‌ده معیاری موزخانه قوریلیشی، قندهار دروازه‌سیدن پل‌مالان و انجیل تومنی‌نینگ بهارستان سرک‌لری قیر قیلینیشی شامل بوله‌دی.
هرات حاکمی‌نینگ ایتیشیچه، ایکینچیلیک موزخانه 40 جریب ییرده 500 تُن ظرفیتی بیلن هرات هوا قونالغه‌سینی یقینیده پل‌پشتون و پل‌مالان آره‌سیده‌گی منطقه‌ده قوریله‌دی.
رحیمی‌گه کوره، هرات ولایتی‌نینگ انجیل تومنی‌ده هم ایکی سرک ایکینچی‌لرگه کوپراق قولی‌لیک یره‌تیلیشی اوچون قیر قیلینه‌دی.
اوشبو پروژه‌لرنی ایشی باشله‌نیش مراسم‌ده اقتصاد وزیرلیگی‌نی اورین باسری محمداسماعیل رحیمی‌نینگ ایتیشیچه، ایکینچیلیک محصولاتی دایمی شکلده کورگزمه‌ده قوییلیشی اوچون میدان قوریلگنده، ایکینچیلیک محصولاتی گه منطقه بوییچه بازار تاپیش اوچون سعی و حرکت قیلینه‌دی.
هرات ایکینچی‌لری، بونده‌ی پروژه‌لر تطبیق ایتیلیشی‌نی اساسی نیازلریدن بیلیب و بو پروژه‌لرنی ایشی وقتی بیلن یکونلنیشی اوستیگه تأکید قیله‌دیلر.
