بوگون «دوشنبه» افغانستان-امریکا بیلیم یورتی‌ده «چیکلاولردن تشقری جنسیت» نامی‌ده ایکی کونلیک بیرینچی علمی نمایش یولگه قوییلدی.
افغانستان-امریکا بیلیم یورتی باشلیغی کینیت هالندنینگ ایتیشیچه، اوشبو علمی نمایش یولگه قوییلیشی‌دن مقصد، مملکت‌ده جنسیت گه تیگیشلی تورلی زوایا و علمی موضوعلرگه تیگیشلی بحث‌لرنی کینگه‌یتیریش بولگن.
اونگه کوره، اولرنینگ اینگ کته مقصدلریدن بیری، اقتصاد خصوصیده عیاللرنی ایرکین‌لشتیریش و کوچلنتیریش دیر.
هالند، افغانستان-امریکا بیلیم یورتی‌ده عیاللر مرکزی‌نینگ ایجابی فعالیت‌لریدن ایسلب ایتیشیچه، اوشبو مرکزی حاضرگچه 12 مینگ عیال گه تشبث خصوصیده، تعلیمات بیرگن.
اوشبو ییغینده اشتراک قیلگن افغانستان بوییچه آغاخان بنیادی ایلچیسی نورجهان ماوانی نینگ ایتیشیچه، عیاللرگه دقت قیلینمه‌گن اجتماع نی دموکراتیک و شایسته‌سالار دیب بولمه‌یدی.
ماوانی‌نینگ کوپه‌یتیریشیچه، افغانستانده ینگی تیزیم تشکیل ایتیلگنیدن سونگ، مملکت عیاللری کوپلب زیان کورگن و دنیا جماعه‌چیلیگی اولرنی قربانلیک صفتیده قبول قیلگن؛ بیراق حاضر عیاللرنی کوچلنتیریش اوچون سعی و حرکت قیلیش لازم.
اوشبو ایکی کونلیک عملی نمایش‌ده جنسیت گه تیگیشلی اجتماعی، سیاسی، مدنی، اقتصادی موضوع‌لر و شونینگدیک «جنسیت مساواتی» و «جنسیت مفهومی‌گه قیته‌تیکلش» موضوعلری بحث‌گه آلینیشی توغریسیده قرار قیلینگن.
