رواجلنتیریش پروژهلر تینگ شکلده عملگه آشیریلمهگنی، رواجلنتیریش برنامهلر نتیجهسیزلیگی، قرارلر و نیازلر تیکشیریلیشیده اهالیگه سهمیه بیریلمهگنی باعث، دولت و اهالی آرهسیده آلیسلیک ایجاد ایتیلگن.
بیراق، قیینچیلیکلر تانیلیب و اولویت بیریلیشی خصوصیده، دادخواهلیک کمیتهلری ایجاد ایتیلیشی باعث، اهالی ایرکین شکلده حکومت بیلن علاقه قوریب و بو یولدن حقلریگه ایریشهدیلر.
بدخشان عیاللریگه یاردم بیرووچی مؤسسه BWHO)) تامانیدن عصری دادخواهلیک طریقهلری اورگهتیلیشی شو خصوصده عملگه آشیریلگن ایشلردن بیری بولگن.
بدخشان ولایتینینگ مرکزی فیضآباد شهریده اهالی توپلهنیب و دادخواهلیک کمیتهلری چوکاتیده قیینچیلیکلرینی حل قیلیش خصوصیده، فکر المشتیرهدیلر.
فیضآباد شهریده دادخواهلیک کمیته اعضالریدن ایکی کیشی عبدالقیوم و سامعه ناطقنینگ ایتیشیچه، اوشبو کمیتهلر ایجاد ایتیلیشی و اونگه اهالی سهم آلیشی دولتنی جواب بیریشگه ترغیب ایتهدی.
دادخواهلیک کمیته اعضالریدن باشقه بیری عبدالحمید، مذکور کمیتهلرگه قیلهدیگن همکارلیگی دوامیدن سوز یوریتیب ایتیشیچه، اوشبو کمیتهلر دموکراتیک دادخواهلیک طریقهلرینی اولرگه اورگهتیشی توغریسیده ایشانهدی.
عین حالده، BWHO)) آتلی مؤسسه مسؤولی احمد فرهاد فریبرزنینگ سلاموطندارگه ایتیشیچه، دموکراتیک دادخواهلیک طریقهلرینی اورگهتیش خصوصیده بولگن پروژه یکونلگنیدن کمیده اوچ آی اوتماقده، بیراق ایجاد ایتیلگن کمیتهلر حاضرگچه فعالیتلریگه دوام بیرهدیلر.
جناب فریبرزنینگ کوپهیتیریشیچه، دادخواهلیک پروژهنینگ ایشی یکونلنیشی دادخواهلیک فعالیتلر یکونلنیش معناسیده ایمس دیر و شو یوزهدن او، بو فعالیتلر اهالی و دولت آرهسیده علاقهنی مستحکملشتیریب و ایلگریدن کوره دادخواهلیک طریقهلرینی یخشی قیلیشی توغریسیده امید بیلدیرهدی.
