فاریاب ولایتی‌نینگ المار تومنی‌دن قیصار تومنی گچه بولگن یولده حربی کوچلر 2 قرارگاه و 28 پوسته‌نی ترک قیلیب و مذکور تومن‌لرنینگ مرکزلریده جایلشگن‌لر.
سلام‌وطندارگه صحبت بیرگن فاریاب ولایت کینگشی اورین باسری صبغت‌الله سیلاب نینگ ایتیشیچه، اوشبو واقعه‌نی اصلی دلیلی جمعیتی آز منطقه‌لر امنیتی کوچلر تامانیدن ترک ایتیلیشی خصوصیده آمریکا جمهور رئیسی‌نینگ اوروش استراتیژیسی دیر.
شونینگدیک، قیصار ولسوالی حاجی رحمت‌الله نینگ اورغولشیچه، حربی کوچلر بو یول‌نی ترک قیلیشگن، بیراق سببی‌دن خبرسیز بیلدیره‌دی.
عین حالده، سلام‌وطندارگه صحبت بیرگن مملکت حربی کوچلری‌نینگ باش قومندانی‌نی اورین باسری جنرال عبدالحمید حمیدنینگ ایتیشیچه، بو منطقه‌لر حکومت نینگ بویروغی بیلن بوشه‌تیلگن و بو بوشه‌تیلیش‌نی دلیلی حربی کوچلرنینگ قربانلیگی آلدی آلینیشی و تومن‌لرنینگ مرکزلری ثابت سقله‌نیشی دیر.
فاریاب ولایتی‌نینگ اوچ تومنی جمله‌دن غورماچ، قیصار و المار میمنه-هرات قتناو یولیده جایلشگن. اوتگن 20 کون جریانیده، مذکور اوچ تومنده 150 دن آرتیق امنیتی عسکر طالب‌لر تامانیدن هلاک ایتیلیب، یره‌لنیب و قولگه آلینگن.
