چهارشنبهدن پنجشنبه گه اوتر آقشام ساعت 6 اطرافیده، کابل شهرینینگ آلتینچی امنیتی حوزهسیگه تیگیشلی دشتبرچی بولیمینی قلعۀناظر آتلی منطقهسیده گورهش اویین کلوبی خودکش هجوم گه دوچ کیلدی و بو هجوم نتیجهسیده 16 کیشی هلاک و باشقه 10 دن آرتیق کیشی یرهلندی.
بیراق، بو واقعهدن کمیده بیر ساعت اوتگنیدن سونگ، ایکینچی هجوم واقعه محلیده توپلنگن اهالی آرهسیده یوز بیرگن و بو هجوم نتیجهسیده م کوپینچه کیشی هلاک و یرهلنگن.
امنیتی رسمیلرنینگ ایتیشیچه، بیران واقعه یوز بیرگنده، اهالی تیزلیک بیلن واقعه محلیده توپلنهدی و اولر ایسه نهفقط پولیس کوچلرینینگ آگاهلنتیریشی گه دقت قیلمهیدی، بلکیم اولرنینگ ایشی گه توسیق بولهدیلر.
سلاموطندارگه صحبت بیرگن کابل پولیس قومندانلیگی سوزلاوچیسی حشمت استانکزینینگ ایتیشیچه، اوتگن کون آقشام یوز بیرگن هجوم ده امنیتی کوچلر واقعه محلیده توپلنگن اهالینی منطقهنی ترک قیلیشلری خصوصیده، آگاهلنتیرگن؛ بیراق، اهالی زورهوانلیککه قول اوریب و امنیتی کوچلرگه واقعه محلی گه باریش اوچون رخصت بیرمهگنلر.
کابل شهری یشاوچیلریدن بیرقطارینینگ ایتیشیچه، یاردم و همکارلیک هر بیر یشاوچینینگ انسانی وظیفهسی دیر و شو یوزهدن ایریم واقعهلرده پولیس کوچلری تیزلیککه ییتیشه آلمهگنی باعث، اهالی اوزلرینی واقعه محلی گه ییتکزیب و یرهلنگنلرنی کسلخانهلرگه انتقال بیرهدیلر.
بیراق، اولرنینگ اورغولشیچه، حاضرگی وضعیت گه قرهگنده اهالی یوز بیرگن واقعه محلیده توپلهنیشی نیاز ایمس دیر و واقعه قربانلریگه یازدم بیریش مسؤولیتینی امنیتی کوچلرگه تاپشیریش لازم.
ساغلیقنی سقلش وزیرلیگی تامانیدن بیریلگن رقم اساسیده، اوتگن آقشام کابل شهریده یوز بیرگن کیین مه کیین خودکش هجوم و پارتلش نتیجهسیده 26 کیشی هلاک و باشقه 90 دن آرتیق کیشی یرهلنگن.
یوز بیرگن هجوملرده طلوع تلویزیونینینگ بیر خبرچیسی و بیر تصویربرداری هلاک و باشقه میدیالرنینگ 4 خبرچی و تصویربرداری جراحتلنگن.
